Yehosua 8:1-35
8 Noke Yehova wa sapuila Yehosua hati: “Ku ka kuate usumba ale oku yokoka.+ Ambata alume vosi vakuavita kuenda lamanela ko Hai. Tala, ame nda eca kokuove soma yo Hai, omanu vaye, olupale luaye kuenda ofeka yaye.+
2 Linga lo Hai kuenda losoma yaco ndeci wa linga lo Yeriko kumue losoma yaco,+ pole, citava oku ambata ovina vialio via pundiwa kuenda oviunda viaco oco vi kale viene. Lavekeli vonutula konyima yolupale.”
3 Kuenje Yehosua kumue lalume vakuavita va lamanela ko Hai. Yehosua wa nõla 30.000 kasualali va pama kuenje wa va tuma luteke.
4 Eye wa va handeleka hati: “Tali, lavekeli vonutula konyima yolupale. Ko ka endi enene ocipãla lolupale kuenda vosi yene lipongiyi.
5 Ame kumue lomanu vosi va kasi lame, tu amela volupale kuenda eci ovo veya kokuetu+ ndeci va linga kefetikilo, tu ka va tila.
6 Eci ovo va tu landula, tu va kokela ocipãla lolupale, momo va ka popia vati: ‘Ovo va kasi oku tu tila ndeci va lingile ale.’+ Kuenje etu tu ka va tila.
7 Noke ene vu sukila oku tunda koku lavekela vonutula loku tambula olupale; Yehova Suku yene o ka eca olupale luaco kokuene.
8 Eci vu tambula olupale luaco, vu sukila oku lu timĩha londalu.+ Vu sukila oku ci linga ndeci Yehova a popia. Tali, evi ovio olonumbi viange.”
9 Noke Yehosua wa va tuma kuenje ovo va enda toke pocitumãlo coku lavekela vonutula; va kala pokati ko Betele lo Hai, kutakelo wo Hai, osimbu Yehosua a pita uteke waco lomanu.
10 Noke Yehosua wa pasuka selo komẽle kuenje wongolola* asualali, eye kumue lakulu va Isareli, va songuila asualali vaco ko Hai.
11 Alume vosi vakuavita+ vana va kala laye, va lamana kuenda va enda kovaso yolupale. Va tunga ovilombo konano yo Hai kuenda ocimbota ca kala pokati kavo lo Hai.
12 Vepuluvi liaco, eye wa nõla eci ci soka 5.000 kalume kuenda wa va kapa oku lavekela vonutula+ pokati ko Betele+ lo Hai, kutakelo wolupale.
13 Omo liaco, omanu va tunga ocilombo ca velapo konano yolupale+ kuenda asualali vana va kala oku lavekela vonutula konyima yolupale va kala kutakelo+ kuenje Yehosua wa enda vokati kocimbota* vuteke waco.
14 Eci soma yo Hai a ci mola, eye kumue lalume vo volupale, va yayulako selo komẽle oku ka li sanga la va Isareli kuyaki, vocitumãlo cimue ca kala kovaso yetapi lio vekalasoko. Pole, eye ka kũlĩhĩle okuti, va kala oku va lavekela vonutula konyima yolupale.
15 Eci alume vo Hai va fetika oku yaka, Yehosua kuenda va Isareli vosi va tila vetapalo oku endela vekalasoko.+
16 Noke omanu vosi vana va kala volupale va kovongiwa oco va kuame konyima yavo; osimbu va kala oku landula Yehosua, va va kokela ocipãla lolupale.
17 Ko Hai kuenda ko Betele ka kua supile ulume laumue okuti, ka kuamele konyima yo Isareli. Ovo va sia olupale upulule kuenje va landula va Isareli.
18 Yehova wa sapuila Yehosua hati: “Katuila ko Hai+ onjelia yove yi kasi peka liove, momo ndi yeca peka liove.”+ Kuenje Yehosua wa katuila onjelia ya kala peka liaye kolupale.
19 Vepuluvi a katula eka liaye, alume vana va kala oku lavekela vonutula, va tunda lonjanga vocitumãlo va kala kuenje va lupukila volupale kuenda va lu tambula. Vepuluvi liaco, va timĩha olupale londalu.+
20 Eci alume vo ko Hai va vanja konyima yavo, va mola owisi volupale okuti, wa kala oku lamanela kilu kuenje ka va kuatele ongusu yoku tilila konele layimue. Kuenje omanu vana va kala oku tilila vekalasoko, va ñualelapo vana va kala oku va landula.
21 Eci Yehosua lo Isareli yosi va mola okuti alume vana va kala oku lavekela vonutula va tambula olupale kuenda va mola owisi volupale okuti wa kala oku tuima, ovo va ñualapo kuenje va katukila alume vo ko Hai.
22 Vana va tambula olupale, va tunda oco va va sange kuenje alume vo ko Hai va saka pokati, va Isareli vamue va kala konele yimue kuenda vakuavo va kala konele yikuavo kuenje va va kundula toke eci ka pa supile vali laumue ale oku puluka.+
23 Pole, ovo va kuata soma yo Hai+ lomuenyo kuenje vo tuala ku Yehosua.
24 Eci va Isareli va mala oku ponda omanu vosi vo ko Hai vana va kala vusenge, vekalasoko muna ovo va va landuila kuenda omunu wa sulako pokati kavo wa pondiwa losipata, va Isareli vosi ya tiukila vo Hai kuenje va yi kundula losipata.
25 Vosi vana va pondiwa veteke liaco, oku upisa kulume toke kukãi va tẽla eci ci soka 12.000, okuti, omanu vosi va kala ko Hai.
26 Yehosua wamamako oku katula eka lina lia kuata onjelia+ toke eci omanu vosi vo ko Hai va pondiwa.*+
27 Pole, va Isareli va tambula oviunda kuenda ovina via pundiwa volupale oco vi kale viavo, ndomo ci likuata lolonumbi Yehova a ecele ku Yehosua.+
28 Noke Yehosua wa timĩha o Hai kuenda wa yi lingisa ovingululu+ otembo ka yi pui ndeci yi kasi toke etaili.
29 Eye wa pateka soma yo Hai kuti umue toke koñolosi kuenje osimbu ekumbi lia kala oku iñila, Yehosua wa eca ocihandeleko coku upa ocivimbi caco kuti.+ Noke ovo va cimba koku iñilila kuombundi yolupale kuenje va katuila ondunda yovawe kilu liaco, yina yi kasiko toke etaili.
30 Kuenje Yehosua wa tungila Yehova Suku ya Isareli utala umue Komunda Evale,+
31 ndeci Mose ukuenje wa Yehova a handelekele va Isareli kuenda ndeci ca sonehiwa velivulu Liocihandeleko+ ca Mose li popia hati: “Utala umue wovawe una ka wa pangiwile lovikuata viutale.”+ Kutala waco, oko va ecela ovilumba vioku pia elisi ku Yehova kuenda ovilumba viombembua.+
32 Noke eye wa soneha vovawe aco okopia yimue Yocihandeleko+ Mose a sonehele kovaso a va Isareli.+
33 O Isareli yosi, lakulu vavo, asongui kuenda olonganji viavo, va talama kolonele vivali Viocikasia kovaso ya va Lewi ovitunda, vana va kala oku ambata ocikasia covisila via Yehova. Ovingendeleyi kuenda olonyitiwe+ opo via kala. Onepa yimue pokati kavo ya talamele kovaso Yomunda Gerisimi kuenda onepa yikuavo ya kala kovaso Yomunda Evale+ (ndeci Mose ukuenje wa Yehova a handelekele kosimbu),+ oco a sumũlũise omanu va Isareli.
34 Noke liovina viaco, eye wa tanga lolukandi olondaka viosi Viocihandeleko,+ asumũlũho+ kuenda asiñalo+ ndomo cosi ca sonehiwa velivulu Liocihandeleko.
35 Pokati kovina viosi Mose a handelekele, ka kua kaile ondaka layimue okuti, Yehosua ka yi tangele lolukandi kovaso yekongelo liosi lio Isareli,+ oku kongelamo akãi, omãla kuenda ovingendeleyi+ vina via tungile* pokati kavo.+
Atosi Pombuelo
^ Ale “oku kongela.”
^ Ale “ketapi lia vomba.”
^ Ale “va eciwa kenyõleho.”
^ Lit., “via endaenda.”
