Yeremiya 47:1-7
-
Ocitumasuku coku katukila va Filisiti (1-7)
47 Eyi oyo ondaka ya Yehova yina uprofeto Yeremiya a tambula yatiamẽla ku va Filisiti+ osimbu Fareo ka yulile o Gasa.
2 Ca popia Yehova ceci hati:
“Tali! Ovava a kasi oku iya oku tunda konano.
O-o, a ka kala etande limue liovava.
Kuenje a ka lundula ofeka kumue lovina viosi vi kasimo,Olupale kuenda olonungi vialio.
Omanu va ka kaluka,Kuenda vosi vana va kasi vofeka va ka lisiõsiõla.
3 Poku yeva ocileñi cakonjo olokavalu viovanyãli,Onjuvungo yakãlu wuyakiKuenda onjuela yalola alio,Ndaño muẽle va isia ka va ka tiuka omo liomãla vavo,Omo ovaka avo a ka hongua,
4 Momo eteke liaco, li ka nyõla va Filisiti vosi, li kasi oku iya;+Olio li ka nyõla oloñuatisi viosi via supapo vio ko Turo+ kuenda vio ko Sidono.+
Momo Yehova o ka nyõla va Filisiti,Vana va supapo kocifuka co Kafitore.*+
5 Etoto* li keya ko Gasa.
O Asikelone yi ka nyõliwa.+
Ene avisupe viocimbota co vetapi*Toke otembo yipi vu kamamako loku liteta ene muẽle?+
6 Avoyo we! Osipata ya Yehova!+
Toke otembo yipi ove ku ka liwekapo oku ũha?
Tiukila vocilalo cove.
Puyuka kuenda ũhako.
7 Oyo yi ũhako ndati
Nda Yehova wa eca kokualio ocihandeleko cimue?
Eye wa tuma osipata
Oco yi katukile o Asikelone kuenda kohulo yokalunga.”+
Atosi Pombuelo
^ Okuti, o “Kurete.”
^ Okuti, va ka pemũla ovitue viavo vesumuo kuenda vosõi.
^ Ale “etapi lia vomba.”
