Yoeli 3:1-21
3 “Momo tala! koloneke viaco, lo kotembo yaco;Eci ndi tiula olomandekua vio Yuda kuenda vio Yerusalãi,+
2 Ndi ka kongelavo pamosi olofeka viosi;Kuenda ndi vi nena Vocimbota* ca Yehosafata.*
Kuenje omo ndi ka va sombisila,+Mekonda liomanu vange, haivo ocipiñalo cange Isareli;Momo va va sanduila pokati kolofeka;Kuenda va litepela pokati ofeka yange.+
3 Va imbila omanu vange ocela;+Va landisa kakuenje oco va fete ocipuepue;Kuenda va landisa kafeko oco va nyue ovinyu.
4 Nye vu yongola kokuange;A Turo la Sidono kuenda ovaimbo osi o ko Filisiti?
Vu kasi hẽ oku ndi fetuluinyila cimue?
Nda oco vu kasi loku ndinga;Limbuki okuti, efetuluinyo liaco, ndu li fetuluinyi lonjanga.+
5 Momo wambati opalata lulu,+Kuenje ovokuasi ange wa a kapi volonembele viene;
6 Wa landisi va Yuda la va Yerusalãi ku va Helasi,+Loku va sanduila ocipãla lofeka yavo;
7 Cilo ndi vopa kocitumãlo wa va landisili,+Kuenje elinga liaco liene ndu li fetuluinyi lonjanga.
8 Ndi landisa omãla vene valume lomãla vene vakãi, loku va eca ku va Yuda,+Kuenje ovo va ka va landisa ku va Sieva, ofeka yi kasi ocipãla;Momo oco Yehova a popia.
9 Sapuli ovina viaco pokati kolofeka:+
‘Lipongiyili* uyaki! Votoli alume va pama!
Asualali vosi veye, va wile vonjila!+
10 Teli atemo ene oco a linge olosipata kuenda olomĩla viene oco vi linge olonjelia.
U wa hongua a popie hati: “Nda pama.”
11 Ene avakualofeka viosi, yayuliko, enjui kuenda ongolokeli pamosi!”’+
A Yehova, nena alume vove va pama.*
12 Olofeka viye, vi votoke loku lamanela Kocimbota* ca Yehosafata;Momo oko ndi ka tumãla loku sombisa olofeka viosi via ñualako.+
13 Imbi omĩla, momo ovapia a yelela oku ungula.
Iñili kuenda kosi ocikoselo covinyu, momo ceyuka.+
Ovikuata viosi vi supoka, momo evĩho liavo lialua.
14 Awiñi walua vu kasi vocimbota* coku tetuluila;Momo eteke lia Yehova li kasi ocipepi vocimbota* coku tetuluila.+
15 Ekumbi losãi vi ka tekãva;Kuenda olombungululu ka vi ka eca vali ocinyi.
16 Yehova o ka vilikiya ko Siono;Haeye o ka yevalisila ondaka yaye vo Yerusalãi.
Kuenje Ilu longongo, vi ka lisenga;Pole, Yehova o ka linga ocitililo comanu vaye,+Kuenda ombonge yomanu vaye va Isareli.
17 Kuenje vu ka limbuka okuti, ame Yehova, Suku yene, haime nda tunga ko Siono, komunda yange yi kola.+
O Yerusalãi yi ka linga ocitumãlo ci kola,+Kuenda ovingendeleyi* lalimue eteke vi ka pitamo vali.+
18 Eteke liaco, volomunda mu ka loka ovinyu yi sõsa,+Koviwulu ku ka pita asenjele;Kuenda olondui viosi vio ko Yuda vi ka yuka ovava.
Konjo ya Yehova ku ka tunda ono yovava,+Kuenje yi ka tapela Ocimbota* Coviti vio Akasia.
19 Pole, o Egito yi ka linga elunda,+Kuenda o Edome yi ka linga ekalasoko,+Mekonda liungangala wa lingiwila komanu vo ko Yuda,+Vimbo lina va pesila osonde yomanu ka va kuete eko.+
20 Pole, o Yuda yi ka kala otembo yosi;Haico o Yerusalãi tunde kocitumbulukila cimue toke kocitumbulukila cikuavo.+
21 Ndi ka tenda osonde yavo okuti, ka yi kuete eko, yina nda tendele okuti yi kuete eko;+Kuenje Yehova o ka tunga vo Siono.”+
Atosi Pombuelo
^ Ale “Etapi Lia Vomba.”
^ Ci lomboloka “Yehova Onganji.”
^ Lit., “Oku kolisa.”
^ Ale “olohoka viove.”
^ Ale “Etapi Lia Vomba.”
^ Ale “etapi lia vomba.”
^ Ale “etapi lia vomba.”
^ Ale “vana va tunda kolofeka vikuavo.”
^ Ale “Ekango.”
