Yovi 10:1-22
10 Nda suvuka omuenyo wange.+
Ndi ka lombolola ohali yange.
Ndi ka vangula esumuo liange lialua!
2 Ndi ka sapuila Suku siti: ‘Ku ka popie hati ñuete eko.
Ndi sapuile esunga lieci o liyakela lame.
3 Cu ku kuatisa hẽ oku ndi talisa ohali,Oku pembula upange wovaka ove,+Osimbu o tava elungulo liondingaĩvi?
4 Anga hẽ o kuete ovaso ndava vomanu,Ale o lete ndeci omunu a lete?
5 Anga hẽ oloneke viove vi kasi ndoloneke viomanu,Ale anyamo ove a lisoka la-a omunu,+
6 Momo lie o setekela oku sanga oku lueya kuangeKuenda oku amamako oku sandiliya ekandu liange?+
7 Ove wa kũlĩha okuti si kuete eko;+Kuenda ka kuli omunu o tẽla oku ndi yovola peka liove.+
8 Ovaka ove muẽle a ndi panga,+Pole, cilo o yongola oku ndi kundula elisi.
9 Mange ohenda, ivaluka okuti wa ndi panga lonata,+Pole, cilo o ndi tiuwiya koneketela.+
10 Ove hẽ kua ndi pesile ndasenjele,Loku ndi kenja ndongundi?
11 Ove wa ndi walisa lositu kuenda lekova,Loku ndi tokeka pamosi lakepa kuenda onumba.+
12 Ove wa nyĩha omuenyo kuenda ocisola ka ci pongoloka;Ove wa lava espiritu* liange poku ndi tata.+
13 Pole, ove wa sokiya oku linga ovina evi vuyombeki.*
Nda kũlĩha okuti, ovina viaco via tunda kokuove.
14 Nda nda lingile ekandu, ove nda wa ndi lavulula,+Kuenda ove nda kua ecelele okulueya kuange.
15 Nda ñuete eko, ngongo yange!
Ndaño si kuete eko, si pondola oku petula utue wange,+Momo omuenyo wange weyuka ekambo liesumbilo kuenda ohali.+
16 Nda ndi petula utue wange, ove o ndi sandiliya ndohosi,+Kuenda o ndi lemẽha vali lunene wove.
17 Ove o nena olombangi viokaliye oco vi ndi katukile,Kuenda o vokiya onyeño yove kokuange,Osimbu ocitangi locitangi ciya kokuange.
18 Momo lie wa ndi tundisila vimo lia ina yange?+
Nda nda file osimbu okuti, lomue o ndi mola.
19 Nda ca kaile ndu okuti sia la kala komuenyo;Nda ndopiwile vimo loku tualiwa vonjembo.’
20 Oloneke viange siti vitito?+ Suku ka ka ndi sakalaise;Ovaso aye ka a ka ndi vanje, oco ndi sange ekavuluko limue,+
21 Osimbu sia endele okuti si tiuka vali,+Vofeka yowelema walua,*+
22 Vofeka yalende a tekãva,Vofeka yulembo walua kuenda yombuanja,Muna okuti ndaño muẽle ocinyi ci kasi ndowelema.”
Atosi Pombuelo
^ Ale “efuimo; omuenyo.”
^ Lit., “Kuenda ovina evi ove wa vi soleka vutima wove.”
^ Ale “owelema lulembo woku fa.”