Yovi 11:1-20
11 Sofare+ u Namati wa tambulula hati:
2 “Anga hẽ olondaka viosi evi ka vi tambuluiwa,Ale oku vangula calua ci kokela omunu oku kuata esunga?*
3 Anga hẽ ombangulo yove yumamõhe yi ka kokela omanu oku ũha?
Anga hẽ lomue o ka ku lemẽla omo liolondaka viove viesepu?+
4 Momo ove o popia hati: ‘Elilongiso liange lia lipua,+Kuenda nda yela kovaso ove.’+
5 Pole, nda Suku wa vanguile,Loku yikuila omẽla waye kokuove, nda hĩse!+
6 Kuenje eye nda wa ku situluila alumbu olondunge,Momo kuli ovina vialua tu lilongisa kolondunge.
Kuenda ove nda wa limbuka okuti, Suku ecelela okuti amue kakulueya ove a ivaliwa.
7 Ove hẽ o tẽla oku limbuka ovina via longa via SukuAle oku limbuka ovina viosi viatiamẽla* Kukuonene Wosi?
8 Olondunge viaye via lepa calua okuti ilu li sule. Nye ove o pondola oku linga?
Olondunge viaye via longa calua okuti Onjembo* yi sule. Nye ove o pondola oku kũlĩha?
9 Ovio via sanjavala calua okuti ilu lieve li sule,Upati wavio walua calua okuti, okalunga ka sule.
10 Nda eye o pita kuenje o kuata omunu umue loku sokiya ekanga,Helie o pondola oku u tateka?
11 Momo eye wa kũlĩha eci omanu va lekisa okuti, vakuelimbi.
Eci a mola evĩho, anga hẽ ka ka ci limbuka?
12 Pole, omunu eveke o ka kuata lika elomboloko,Eci ocimbulu cimue ci cita omunu.
13 Nda ove wa pongiyile utima wove,Loku olõla ovaka ove kokuaye, nda hĩse.
14 Nda eka liove li kasi oku linga cimue cĩvi, cimbapo,Kuenda ku ka ecelele okuti, ekambo liesunga li tunga volombalaka viove.
15 Kuenje ove o ka petula ovaso ove okuti, ku kuata osõi;Ove o ka talama ngõ okuti, ku kuata usumba.
16 Momo ove o ka ivalako ocitangi cove;Ove o ka ci ivaluka ndovava a pita ale.
17 Omuenyo wove u ka tua calua okuti, ekumbi pongunji li sule;Ndaño muẽle owelema vomuenyo wove, u ka kala ndomẽle.
18 Ove o ka kolela, momo kuli elavoko,Kuenda o ka vanja kolonele kuenje o ka pekela loku kolapo.
19 Ove o ka pekela okuti lomue o ka ku lingisa usumba,Kuenda omanu valua va ka sandiliya ohenda yove.
20 Pole, ovaso olondingaĩvi a ka kala omeke;Kuenda ovo ka va ka sanga ocitumãlo cimue coku puluka,Kuenje elavoko liavo li ka kala lika oku fa.”+
Atosi Pombuelo
^ Ale “anga hẽ omunu o lipanda o kuata esunga?”
^ Ale “oku sanga ongave ya.”
^ Okuti, ocitumãlo mu kendiwa omanu va fa.
