Yovi 14:1-22
14 Omunu wa citiwa lukãi,Omuenyo waye umbumbulu+ kuenda weyuka ovitangi.+
2 Eye o telẽha ndonelẽho yimue, noke owuka;*+Eye o pita ndulembo kuenje o takata.+
3 Ocili, ove wo luluvala,Kuenda ove muẽle wo* tuala kesombiso.+
4 Anga hẽ omunu ukuekandu o pondola oku cita omunu ka kuete ekandu?+
Lomue o pondola!
5 Nda oloneke viaye via nõliwa,Etendelo liolosãi viaye vi kasi peka liove;Ove wo kapela ongave yimue kuenje ka citava okuti, eye o yi pitahãla.+
6 Ku ko vandekele, oco eye a puyuke,Toke eci a tẽlisa eteke liaye ndonalavayi ya kovongiwa.+
7 Momo ndaño muẽle uti umue, u kuete elavoko.
Nda owo wa tetiwa, u yova vali,Kuenda ovianja viawo viamamako oku kula.
8 Nda olumbombo walio lu kukila posi,Kuenda ocisingi calio ci kukutila vongongo,
9 Lelemba liovava, owo u yova;Kuenje ku tundila ovianja ndu okuti, uti umue wokaliye.
10 Pole, eci omunu a fa, unene waye u takata;Eci omunu a tula omuenyo, enda pi?+
11 Ovava o vokalunga a takata,Kuenda ovava o volui a pita kuenje a kukuta.
12 Cimuamue haico lomunu okuti, o pekela kuenje ka pasuka.+
Eye ka ka pasuka toke eci ka ku kala vali ilu,Ka ka pasuiwa kotulo tuaye.+
13 Nda wa ndi selekele Vonjembo* nda hĩse,+Ove nda wa ndi selekele toke eci onyeño yove yi pita!
Nda wa ndi tumbikilile otembo okuti noke o njivaluka, nda hĩse!+
14 Nda omunu umue o fa, o pondola oku kala vali lomuenyo?+
Ndi ka kevelela oloneke viosi viupange wange wekisika,Toke eci ku iya ekavuluko liange.+
15 Ove o ka kovonga kuenje ame ndi ka ku tambulula.+
Ove o ka kuatela ongeva upange wovaka ove.
16 Pole, cilo o kasi oku amamako oku tenda olonjila viange;Ove o sanda lika ekandu liange.
17 Akulueya ange a kasi vonjeke yimue ya yikiwa,Kuenda ove o yika ekandu liange lokola.
18 Ndeci omunda yimue yi kupuka kuenda yi nyõlehaKuenda esenje limue li tunda pocitumãlo calio,
19 Ndeci ovava a nyõla ovaweKuenda andunde ao ambata eseke,Cimuamue haico okuti, ove o nyõla elavoko liomunu.
20 Ove o linga lomunu eci o yongola toke eci eye a fa;+Ove o pongolola emolẽho liaye kuenda u tuma oku enda.
21 Omãla vaye valume va sumbiwa, pole, eye ka ci kũlĩhĩle.Ovo ka va kuata esilivilo, pole, eye ka ci limbuka.+
22 Eye o yeva lika evalo lietimba liaye muẽle;Eye o lisiõsiõla lika osimbu a kasi lomuenyo.”
Atosi Pombuelo
^ Ale pamue “kuenda o tetiwa.”
^ Lit., “ame.”
^ Okuti, ocitumãlo mu kendiwa omanu va fa.
