Yovi 16:1-22
16 Yovi wa tambulula hati:
2 “Nda yevele ale ovina vialua via soka ndevi.
Ene vu ndi talisa vali ohali okuti, ka vu ndembeleka!+
3 Anga hẽ olondaka viaño* ka vi kuata esulilo?
Nye ci ku kokela oku vangula ndoco?
4 Ame nda nda vangulavo ndeci ene.
Eci ci pita lame nda ca pitilevo lene,Nda nda popia ovina vialua vioku vu katukili,Loku puka puka utue wange eci ndu moli.+
5 Pole, nda ndo pamisi lolondaka viomẽla wange,Kuenda elembeleko liomẽla wange, nda lio neneli ekavuluko.+
6 Nda ndi vangula, evalo liange ka li tepuluka,+Kuenda nda nda liwekapo oku vangula, anga hẽ evalo liange li tepuluka?
7 Pole, cilo Suku wa ndi kokela ekavo;+Eye wa kundula vakuanjo yange vosi.*
8 Eye o ndi kuata kuenda omanu vakuavo va ci mola,Kuenje oku kopa kuange ku njimbila uvangi woku ndi katukila.
9 Onyeño yaye ya ndi nyanyõla kuenda eye o ndi kuetele esuvu.+
Eye o keleketa ovayo oku ndi katukila.
Unyãli wange o miekũlula lovaso aye.+
10 Ovo va yulula calua omẽla wavo oco va ndi katukile,+Kuenda loku ndi yola epembe, va ndi veta ovikusi ketama;Ovo va likongela oku ndi katukila vetendelo lialua.+
11 Suku o ngeca kamalẽhe,Kuenda o ñapa povaka olondingaĩvi.+
12 Ame nda kala lombembua, pole, eye wa ndi nyãnyola;+Eye wa ndi kuatela posingo kuenda wa ndi teya teya;Noke wa ndi lingisa ocimãho caye.
13 Vakualohonji vaye va ndi ñuala;+Eye o tola olongẽla viange+ kuenda ka kuete ohenda;Eye o pesila ondulu yange kilu lieve.
14 Ñasi ndocimano cimue eye a yulula apangu olonjanja vialua;Eye o lupukila kokuange ndesualali.
15 Nda tonga ocikelẽyi oco ndi sitike ekova liange,+Kuenda nda kenda esumbilo* liange voneketela.+
16 Ocipala cange ca kusuka omo lioku lila calua,+Kuenda vovaso ange muli owelema walua,*
17 Ndaño okuti ovaka ange ka a lingile ungangala,Kuenda nda likutilila lutima wosi.
18 A ilu lieve, ku ka sitike osonde yange!+
Kuenda oku liyula kuange ka ku ka sange ocitumãlo cepuyuko!
19 Cilo muẽle, ombangi yange yi kasi kovailu;Una o pondola oku njimbila uvangi, o kasi kilu.
20 Akamba vange va ndi yola epembe,+Osimbu ovaso ange a lolula asuẽlẽla* kovaso a Suku.+
21 Omunu umue a linge onganji pokati komunu umue la Suku,Ndeci ci lingiwa pokati komunu umue lu a lisungue laye.+
22 Momo anyamo a sialako atito,Ngenda kuenje si tiuka vali.+
Atosi Pombuelo
^ Ale “viofela.”
^ Ale “vana va liongolola lame.”
^ Ale “ongusu.” Lit., “ombinga.”
^ Ale “ulembo woku fa.”
^ Ale pamue, “a vanja lekambo liotulo.”
