Yovi 17:1-16
17 “Ongusu yange ya pua, oloneke viange via sulila;Onjembo yi kasi oku ndi lavoka.+
2 Vakuakupembula va ndi ñuala,+Kuenda ovaso ange a mola ovilinga viavo viesino.
3 Mange ohenda, likuminya kokuange okuti o ka ndi kuatisa.
Helie vali o ka ñuatisa?+
4 Momo ove wa yika utima wavo oco ka va ka kuate olondunge;+Eli olio esunga lieci ku va kemãlisila.
5 Eye o sole oku eca kakamba vaye,Osimbu onjala yi tekãvisa ocipala comãla vaye.
6 Eye o ndi lingisa ocikuata cimue cesepu* pokati komanu,+Kuenje va siyila kocipala cange.+
7 Ovaso ange a vuvala omo liesumuo,+Kuenda olonepa viosi vietimba liange via tekãva calua.
8 Omanu vakuesunga va ci komõha,Kuenda omunu ka kuete eko o sakalala omo liondingaĩvi.*
9 Ukuesunga o kakatela konjila yaye,+Kuenda una o kuete ovaka a yela o pama vali calua.+
10 Omo liaco, vosi yene citava oku iya loku lombolola ocisimĩlo cene,Momo pokati kene sia sangelepo laumue ukualondunge.+
11 Oloneke viange via sulila;+Asokiyo ange lolonjongole viutima wange via nyõliwa.+
12 Uteke ovo va u pongolola utanya,Loku popia vati: ‘Ocinyi ci kasi ocipepi, momo kua tekãva.’
13 Nda nda kevelela, Onjembo* yi ka kala onjo yange;+Ndi ka yala ula wange vowelema.+
14 Ndi ka sapuila ocitunu* hati:+ ‘Ove wu isiange!’
Ndi ka sapuila enyo hati: ‘Ove wu ina yange kuenda wumanjange ukãi!’
15 Pi ku kasi elavoko liange?+
Helie o lete okuti kokuange kuli elavoko?
16 Olio* li ka lokila polombundi via yikiwa Vionjembo*Eci vosi yetu tu lokila kumosi voneketela.”+
Atosi Pombuelo
^ Lit., “olusapo; ondaka yimue.”
^ Ale “lionanguluke.”
^ Okuti, ocitumãlo mu kendiwa omanu va fa.
^ Ale “onjembo.”
^ Okuti, elavoko liange.
^ Okuti, ocitumãlo mu kendiwa omanu va fa.
