Yovi 21:1-34
21 Yovi wa tambulula hati:
2 “Yeveleli lutate eci ndi popia;Eli li kale elembeleko ene vu nyĩha.
3 Kuati epandi osimbu ndi vangula;Eci ndi mala oku vangula, citava oku ndi yola epembe.+
4 Anga hẽ oku lisiõsiõla kuange nda ku tiamisila komunu?
Nda oco, siti nda sia* pandikisile?
5 Ndi luluvali kuenda komõhi;Kapi eka liene komẽla wene.
6 Eci ndi liwekapo oku sokolola, ndi sakalala,Kuenda etimba liange liosi li luluma.
7 Momo lie olondingaĩvi vi kasilili komuenyo,+Vi kukila kuenda vi kuatela ukuasi?*+
8 Omãla vavo olonjanja viosi va kasi kovaso avo,Ovo va ka kala komuenyo otembo yalua oco va mole omãla vovitumbulukila viavo.
9 Olonjo viavo via kolapo, ovo ka va kuete usumba,+Kuenda Suku ka va kangisa lombueti yaye.
10 Olongombe viavo vi kuete omãla valua;Kuenda olongombe violomange ka vi pulumũla, ovio vi kuete olonãle vialua.
11 Omãla vavo valume va lupoka posamua ndocunda,Kuenda va tehã tehã lesanju.
12 Ovo va imba ocisungo cimbiwa lopandelu kuenda ohalupa,Kuenda va sanjukila ocileñi columbendo.+
13 Va pita oloneke viavo lesanjuKuenda va lokila lombembua* Vonjembo.*
14 Pole, ovo va sapuila Suku yocili vati: ‘Ku ka tu sakalaise!
Ka tu yongola oku kũlĩha olonjila viove.+
15 Helie Ukuonene Wosi okuti, tu sukila oku u vumba?+
Onima yipi tu kuata poku u kũlĩha?’+
16 Pole, nda kũlĩha okuti ovo ka va kuete unene woku linga okuti, ovina viosi vi enda ciwa.+
Ame si sokolola ndeci ovo va sokolola.*+
17 Olonjanja viñami ondiyelo yolondingaĩvi yi imiwa?+
Olonjanja viñami ohali iya kokuavo?
Olonjanja viñami Suku a nenela ekundu kokuavo vonyeño yaye?
18 Anga hẽ ovo va linga ndowangu wa kukuta u kasi kovaso yofela,Kuenda ndinene vi ambatiwa lehunguhungu liofela?
19 Suku o ka selekela eyambulo liomunu komãla vaye.
Pole, Suku o fetuluinye oco eye a ci kũlĩhe.+
20 Ovaso aye muẽle a mole ekundu liaye,Kuenda eye a nyue kokopo yonyeño Yukuonene Wosi.+
21 Momo lie eye a sakalalela leci ci ka pita lomãla vaye noke liolofa viaye,Nda olosãi viaye via linga vimbumbulu?*+
22 Anga hẽ omunu umue o pondola oku longisa ukũlĩhĩso ku Suku,*+Osimbu okuti, Eye una o sombisa vana va kemãla?+
23 Omunu umue, o fa longusu yalua,+Osimbu ka kuete esakalalo kuenda wa tula utima,+
24 Osimbu ocikalo caye ca neta,Kuenda akepa aye a pama.*
25 Pole, omunu ukuavo o fa lesumuo lialua,Lalimue eteke a setekele ovina viwa.
26 Kavali kavo va ka pekela voneketela,+Kuenda va ka liwa lovanyo.+
27 Tali! Ame nda kũlĩha ciwa eci vu kasi oku sokolola,Kuenda ongombo vu kasi oku linga yoku ndi linga cĩvi.+
28 Ene vu pula hoti: ‘Pi ku kasi onjo yomunu wa kemãla,Kuenda pi ku kasi ombalaka muna mua kala olondingaĩvi?’+
29 Ene ka wa pulisili vakuakulinga ungende?
Anga hẽ ka wa li longisili olonumbi* viavo,
30 Viokuti, omunu ũvi o puluka keteke liohali,Kuenda o yovuiwa keteke lionyeño?
31 Helie o ko popisa omo lionjila yaye,Kuenda elie o ko fetuluinya omo lieci a linga?
32 Eci eye ambatiwa keyambo,Keyambo liaye ku ka kapiwa ondavululi yimue.
33 Osi yolui yi ka sõsa kokuaye,+Kuenda omanu vosi vo kuama,*+Ndeci ca pita la valua vo livangela.
34 Oco puãi, momo lie vu nyĩhila elembeleko ka li silivila?+
Katambululo ene ka kuli cimue, te lika elimbi!”
Atosi Pombuelo
^ Lit., “espiritu liange.”
^ Ale “vakuonene.”
^ Ale “vepuluvi limue” okuti, va fa lonjanga kuenje ka va yevi evalo.
^ Okuti, ocitumãlo mu kendiwa omanu va fa.
^ Ale “elungulo; esokiyo lĩvi.”
^ Ale “via tetiwa pokati.”
^ Ale “oku longisa cimue ku Suku.”
^ Lit., “upuma wovakepa aye u sapita.”
^ Lit., “olondimbukiso.”
^ Lit., “kuenda o ka kokela omanu vosi konyima yaye.”
