Yovi 22:1-30
22 Elifasi+ u Temani wa tambulula hati:
2 “Omunu hẽ o pondola oku kuatisa Suku?
Omunu ukualondunge o pondola hẽ oku kuata esilivilo ku Suku?+
3 Anga hẽ Ukuonene Wosi wa kapako* nda ove ukuesunga ale sio,Anga hẽ eye o kuata onima yimue omo ove wa kuama onjila yekolelo?+
4 Anga hẽ omo ove u kuetele esumbilo,Eye o ka ku kangisa loku ku ambata kekanga?
5 Eci siti ca lipita omo liũvi wove waluaKuenda ka kuli esulilo kakulueya ove?+
6 Momo ove o kisika ohuminyo yimue ndonjeke ku vamanjove, ndaño ka kuli esunga lalimue,Kuenda upa ovowalo omanu loku va sia epõlõla.+
7 Ove ku eci ovava oku nyua ku vana va kava,Kuenda o limĩla okulia ku vana va kasi onjala.+
8 Ofeka ya tiamẽla komunu wa pama,+Kuenda ukuesumũlũho o tungamo.
9 Pole, ove wa tuma ocimbumba oku enda ño ovoko,Kuenda wa lemẽha ovaka vomãla ka va kuete isia.*
10 Eli olio esunga lieci wa ñualiwila lolonjanjo,*+Kuenda ovilunga vina viya ocipikipiki, vi ku saluisa;
11 Eli olio esunga lieci owelema walua ka u ku ecelela oku mola,Kuenda endunde liovava li ku tuvika.
12 Anga hẽ Suku ka kasi kilu liovailu?
Kuenje vanja ndomo olombungululu viosi vi kasi kupãla.
13 Pole, ove o popia hati: ‘Nye Suku a kũlĩha muẽle?
Anga hẽ eye o tẽla oku sombisa lowelema walua?
14 Alende o vundisa oco eye ka ka vanje,Osimbu eye a ñuala ñuala kilu.’
15 Anga hẽ ove o ka kuama olonjila vio kosimbu,Vina olondingaĩvi via endelelemo,
16 Alume vana vambatiwa osimbu otembo yavo ka ya pitĩlile,Haivo vambatiwa letande?*+
17 Ovo va enda oku sapuila Suku yocili vati: ‘Ku ka tu sakalaise!’
Kuenda vati: ‘Ukuonene Wosi o pondola oku tu linga nye?’
18 Ocili, eye Una wa yukisa olonjo viavo lovina viwa.
(Ocisimĩlo caco cĩvi ci kasi kupãla lame.)
19 Olondingesunga vi ka mola enyõleho liavo kuenda vi sanjuka,Kuenje omunu ka kuete eko, o ka va yola epembe hati:
20 ‘Ovanyãli vetu va kunduiwa,Kuenda ondalu yi ka lia eci ca supa kokuavo.’
21 Kũlĩha Suku kuenje o ka kala lombembua;Ovina viwa viya vonjila yove.
22 Tava kocihandeleko ci tunda vomẽla waye,Kuenda kapa olondaka viaye vutima wove.+
23 Nda wa tiuka Kukuonene Wosi, ove o ka tumbuluiwa;+Nda wopa ekambo liesunga vombalaka yove,
24 Nda wa imba ulu* wove voneketelaKuenda wa imba ulu wo ko Ofiri+ vovimbota* viasenje,
25 Ukuonene Wosi o ka kala ulu* wove,Kuenda eye o ka kala opalata yove ya velapo.
26 Esanju liove li ka tundilila Kukuonene Wosi,Kuenda ove o ka katuila ocipala cove ku Suku.
27 Ove o ka livondela kokuaye kuenje eye o ka ku yevelela;Kuenda ove o ka feta olohuminyo viove.
28 Cosi wa sima oku linga, ci ka enda ciwa,Kuenda ocinyi ci ka ninila vonjila yove.
29 Eci o vangula lepela, o ka kutisiwa osõi,Pole, eye o ka popela una womboka.*
30 Eye o ka yovola omanu ka va kuete eko;Omo liaco, nda ovaka ove a yela, ove o ka popeliwa muẽle.”
Atosi Pombuelo
^ Ale “Anga hẽ eci ci sanjuisa Ukuonene Wosi.”
^ Ale “olosiwe.”
^ Lit., “onjanjo yolonjila.”
^ Lit., “olui.”
^ Ale “ovimuanyuĩla viulu.”
^ Ale “vakango.”
^ Ale “ovimuanyuĩla viulu.”
^ Ale “una o vanjela posi.”
