Yovi 24:1-25
24 “Momo lie Ukuonene Wosi ka tumbikila otembo yimue?+
Momo lie vana vo kũlĩha ka va limbukila eteke liaye?*
2 Omanu va sondolola olondimbukiso violongave;+Ovo va nyana olomeme loku vi ambata vocunda cavo muẽle.
3 Ovo va tambula ocimbulu comãla ka va kuete isia,Kuenda vambata ongombe yocimbumba ndonjeke omo lieci a levala.+
4 Va kisika ohukũi oku tunda vonjila;Vana ka va kuete ekuatiso kilu lieve, va sukila oku li salama mekonda liavo.+
5 Olohukũi vi sandiliya okulia ndovimbulu viovusenge+ vi kasi vekalasoko;Ovio vi sandiliya okulia kuomãla vavo vekalasoko.
6 Ovio vi sukila oku ungula vovapia a vakuavo,*Kuenda oku pupulula vocumbo cayuva colondingaĩvi.
7 Vi pita uteke epõlõla okuti, ka vi wala;+Ovio ka vi kuete eci vi lisikĩlĩla kombambi.
8 Ovio via lokiwa lombela yo kolomunda;Ovio vi kala ocipepi lasenje, momo ka vi kuete onjo.
9 Omõla ka kuete isia upiwa vonete ya inaye;+Kuenda ovowalo olohukũi ambatiwa ndonjeke yeci va levala,+
10 Va kisikiwa oku enda epõlõla okuti, ka va walele,Kuenda va kasi lonjala osimbu vambata ovitungu vieci conguiwa.
11 Ovo va talavaya koviwulu pokati kovimano viovawe vokuenda kutanya;Va kosa ayuva vovikoselo, lopo va kala lenyona.+
12 Vana va panda koku fa, va kasi oku amamako oku leña leña volupale;Vana va lemẽhiwa calua, va kaluka oku pinga ekuatiso,+Pole, Suku ka ci tendi ndocina cimue cĩvi.*
13 Kuli vana va sinĩla ocinyi;+Ovo ka va limbuka olonjila vialio,Kuenda ka va kuama olonjila vialio.
14 Omondi yi pasuka omẽle;Oyo yi ponda omunu ka kuete ekuatiso kuenda ohukũi,+Osimbu okuti, luteke o nyana.
15 Ovaso wukuakahokolo a kevelela oñolosi,+Loku popia hati: ‘Lomue o ka ndi mola!’+
Kuenda o sikĩlĩla ocipala caye.
16 Ovo va tuiyila* olonjo vowelema;Lutanya va liyikila volonjo viavo.
Ovo va yuvula ocinyi.+
17 Momo kokuavo, omẽle ya lisoka lowelema walua;Ovo va kũlĩha ciwa usumba wiyilila kowelema walua.
18 Pole, endunde liovava* li vambata lonjanga.
Onepa yavo yepia, yi ka siñaliwa.+
Ovo ka va ka tiukila koviumbo viavo viayuva.
19 Ndeci ocitenya lowuya vi takatisa ocikokoto ca yenguluiwa,Onjembo* yambata vana va linga ekandu!+
20 Vakuakandu va ka ivaliwa la ina yavo;* enyo li ka va lia.
Ovo ka va ka ivalukiwa vali.+
Kuenda ekambo liesunga li ka tetiwa nduti umue.
21 Ovo va ka lemẽha ukãi osiũle,Kuenda va ka tata lãvi ocimbumba.
22 Suku* longusu yaye o ka kundula vana vakuonene;Ndaño ovo va likapa kunene, ka va kuete elavoko nda va ka kala lomuenyo ale sio.
23 Suku* o va ecelela oku kuata ekolelo loku kolapo,+Pole, ovaso aye a kasi kovina viosi ovo va linga.*+
24 Ovo va kapiwa kunene vokatembo kamue, noke ka va kalako vali.+
Va kapiwa kutito+ kuenda vongoluiwa ndomanu vakuavo;Va tetiwa ndovitungu viotiliku.
25 Kaliye, elie o pondola oku lekisa okuti nduhembi,Ale oku likala ondaka yange?”
Atosi Pombuelo
^ Okuti, eteke liaye liesombiso.
^ Ale pamue “oku ungula owangu vovapia.”
^ Ale pamue, “Suku ka lundila laumue eci cĩvi.”
^ Lit., “oku fẽla.”
^ Lit., “Eye ukuanjanga kilu liovava.”
^ Okuti, ocitumãlo mu kendiwa omanu va fa.
^ Lit., “Imo.”
^ Lit., “Eye.”
^ Lit., “Eye.”
^ Lit., “kolonjila viavo.”
