Yovi 3:1-26
3 Noke liovina evi, oco Yovi a fetika oku vangula loku siñala eteke eye a citiwa.*+
2 Yovi wa popia hati:
3 “Ndi siñala eteke nda citiwa,+Kumue luteke eci umue a popia hati: ‘Kua citiwa omõla umue ulume!’
4 Eteke liaco, li kale luowelema.
Suku kilu a ivaleko eteke liaco;Lacimue ocinyi ka ci ka tuile keteke liaco.
5 Owelema walua* u kale lalio.
Elende li tekãva li talame kokualio;
Ovina vi tekãvisa eteke, vi yokokise eteke liaco.
6 Uteke waco u kale wowelema walua;+Owo ka u ka sanjuke pokati koloneke viunyamo,Kuenda ka u ka kongeliwe vetendelo liolosãi.
7 Ocili! Uteke waco u kale osiũle;Kuenda ka mu ka yevale ondaka yonjolela.
8 Vana va siñala utanya va kapevo esiñalo kuteke,Vana okuti, va tẽla oku pasula Canjangombe.*+
9 Olombungululu viuteke waco vi tekãve;Owo u kevelele elivova ocinyi ceteke,Kuenda owo ka u ka mole oku nina kuomẽle.
10 Ina yange wa ndi cita keteke liaco;+Kuenda ñasi oku tala ohali.
11 Momo lie sia filile eci nda citiwa?
Momo lie sia nyõliwile eci nda tunda vimo?+
12 Momo lie ina yange a nambuila kolongolo viaye,Kuenda a ndi nyamisila kavele aye?
13 Momo cilo, nda nda pekela okuti lacimue ci ndi sakalaisa;+Nda nda pekela loku puyuka,+
14 Lolosoma vio kilu lieve kuenda olondunguli viavo,Vana va litungila ovitumãlo viavo okuti, cilo vi kasi ovingululu,*
15 Ale lolombuale via kuatele ulu,Haivio olonjo viavo vieyukile lopalata.
16 Momo lie sia kailele ndomõla wa pulumuiwa okuti wa selekiwa,Ndomãla okuti lalimue eteke va muile ocinyi?
17 Kolofa esakalalo lia vakuevĩho li pua;Oko ku puyukila vana va kava.+
18 Olomandekua viosi oko vi puyukila;Ka vi yevi ondaka ya umue o vi kisika oku talavaya.
19 Oko, utito kuenda unene vamuamue,+Kuenda upika wa yovuiwa ku cime caye.
20 Momo lie eye a ecela ocinyi ku una o kasi oku tala ohaliKuenda omuenyo ku vana va sumua calua?+
21 Momo lie ovo va kuatela onjongole yolofa, pole, ovio ka viya?+
Ovo va vi sandiliya okuti, ovokuasi a solekiwa a sule,
22 Vana va sanjuka calua,Haivo va sanjuka eci va sanga onjembo.
23 Momo lie eye a ecela ocinyi komunu una ka sangi onjila yaye,Una okuti, Suku wo ñuala kolonele viosi?+
24 Momo pomangu yokulia kuange ndi tula ocimuenyo,+Kuenda oku leña leña kuange+ ku supoka ndovava.
25 Ocina nda kuataila ohele ceya kokuange,Kuenda ocina nda kuataila usumba ca ndi wila.
26 Si kuete ombembua, sia tulile utima ndaño oku puyuka,Pole, ovitangi vi kasi oku amamako oku iya.”
Atosi Pombuelo
^ Lit., “oku siñala eteke liaye.”
^ Ale “owelema lulembo woku fa.”
^ Yeca elomboloko liokuti ongandu ale ocinyama cikuavo cinene haico ca pama co vovava.
^ Ale pamue, “vana va litungila ovo muẽle ovitumãlo via siala alunda.”
