Yovi 31:1-40
31 “Nda linga ocisila cimue lovaso ange.+
Omo liaco, ndi vanja ndati kufeko umue wosombo lonjongole ka ya sungulukile?+
2 Omo liaco, onepa yipi nda nda tambula ku Suku,Ocipiñalo cipi nda nda tambula Kukuonene Wosi oku upisa kilu?
3 Ocilunga hẽ ka ca selekiwile ondingaĩviKuenda ohali ku vana va linga evĩho?+
4 Anga hẽ eye ka lete olonjila viange+Kuenda o tenda ananga ange osi?
5 Anga hẽ nda endelele ale volonjila viuhembi?*
Anga hẽ olomãhi viange via yayulako oku kemba?+
6 Suku a ndi pesalise lombalãsa yocili;+Kuenje eye o ka limbuka ekolelo liange.+
7 Nda olomãhi viange via tinduka vonjila+Ale utima wange wa kuama ovaso ange+Ale nda ovaka ange a vĩhisua,
8 Ndi lima kuenje omunu ukuavo a ci lie,+Kuenda cina ndi kũla ci tukũiwepo.*
9 Nda utima wange wa yonjiwa lukãi umue,+Kuenda nda nda kala oku lavulula+ epito lia una ndi lisungue laye,
10 Ukãi wange a sulile olomema ulume ukuavo,Kuenda alume vakuavo va lipekele laye.*+
11 Momo oco, nda ca linga ocina cimue ci kutisa osõi,Nda ca linga ekandu limue lia sesamẽla eyambulo liolonganji.+
12 Olio nda lia kala ondalu yi lia haiyo nda ya nyõla,*+Oku lia ovaima ange osi toke kolombombo.*
13 Nda nda likala esunga kupika wange wulume ale kupika wange wukãi,Eci ovo va lisiõsuĩla* kokuange,
14 Nye ndi pondola oku linga eci Suku a ñatukila?*
Ndu tambulula ndati eci eye a kisika oku lilomboluila kokuaye?+
15 Una wa ndi panga vimo haeyeko hẽ wa va pangavo?+
Haumuamueko hẽ wa tu sovola osimbu ka tua citiwile?*+
16 Nda ocili okuti nda enda oku likala oku eca kolohukũi ovina ovo va sukilile,+Ale nda enda oku sumuisa ovaso ocimbumba;*+
17 Nda ocili okuti nda lile lile lika liange onepa yange yokuliaOkuti sia tepeleleko olosiwe;+
18 (Momo tunde vumalẽhe wange, nda tekula osiwe* ndu okuti ndu isiaye,Kuenda ame nda enda oku songuila ocimbumba* tunde vutila.*)
19 Nda ocili okuti nda mola umue o kasi oku fa omo liombambiAle ohukũi yimue ka ya kuatele eci yi lisikĩlĩla;+
20 Nda ocili okuti eye ka endaile oku ndi sumũlũisa+Osimbu a kala oku litokotisa lovonya olomeme viange;
21 Nda ocili okuti eteke limue nda talisile ohali olosiwe+Eci ovio via sukilile ekuatiso liange polombundi violupale;*+
22 Okuokuo kuange ku loke kocitãi cange,Kuenda okuokuo kuange ku teke kohokolua.
23 Momo nda kuata ohele yoku tala ohali yi tunda ku Suku,Kuenda sia ponduile oku talama kovaso yulamba waye.
24 Nda ocili okuti, nda kolela kuluAle nda sapuila ulu wa fina hati: ‘Ove nda ku kolela!’+
25 Nda ocili okuti nda kuata esanju omo liukuasi wange walua+Omo liovipako vialua ndi kuete;+
26 Nda ocili okuti nda enda oku mola oku nina kuekumbi*Ale osãi oku sondolokela vulamba walio;+
27 Kuenda utima wange wa yonjiwa vuyombeki,Lomẽla wange wa sipula eka liange poku vi fendela;+
28 Eci nda ca kala ekandu limue lia sesamẽla eyambulo liolonganji,Momo ame nda nda likala Suku yocili.
29 Anga hẽ eteke limue nda sanjukilile enyõleho liunyãli wange+Ale nda sanjukile omo okuti ũvi wo kuata?
30 Lalimue eteke nda ecelele okuti, omẽla wange u linga ekanduPoku pinga omuenyo waye vesiñalo.+
31 Anga hẽ omanu vo vombalaka yange ka va popele hoti:
‘Helie o pondola oku sanga umue okuti kekutile lokulia* kuaye?’+
32 Lacimue ocingendeleyi ca pita uteke posamua;+Nda yuluila apito ange kukuakulinga ungende.
33 Anga hẽ nda setekele ale oku vundisa akulueya ange ndeci ci linga omanu vakuavo,+Poku seleka ekandu liange vonjipẽla yuwalo wange?
34 Anga hẽ nda kuatela usumba ocituwa owiñi wu lekisa,Ale nda kuatela ocinjoko esepu liapata akuavo,Toke petosi lioku ũha lusumba woku enda posamua?
35 Nda kua kaile ño umue o ndi yevelela, nda hĩse!+
Nda nda soneha onduko yange vemẽhi lieci ame nda popia.*
Ukuonene Wosi a ndi tambulule!+
Nda u wa ndi lundila wa sonehele alundi aco vocicapa cimue, nda hĩse!
36 Nda ndambata alundi aco kapepe ange,Kuenda nda nda a kapa kutue wange ndekolowa.
37 Nda nda eca kokuaye ulandu wolonjila viange viosi;Kuenda nda nda amela kokuaye lekolelo ndombuale yimue.
38 Nda osi yange ya kaluka poku lisiõsuĩla kokuangeKuenda ovipanga viayo via lilila kumuamue;
39 Nda nda lia apako aco okuti sia fetele,+Ale nda nda kokela vamuẽle yaco oku pua elavoko;+
40 Nda oco, ku nundile olosongo okuti, otiliku sioKuenda amẽla a lẽha lãvi okuti, osevata sio.”
Olondaka via Yovi via sulila palo.
Atosi Pombuelo
^ Ale pamue, “lomanu vakuelimbi.”
^ Ale “ovitumbulukila viange vi tukũiwepo.”
^ Lit., “alume vakuavo vo kekamẽle.”
^ Lit., “oku lia (oku ina) oco yi kundule.”
^ Ale “oku tukũla.”
^ Ale “ocitangi.”
^ Lit., “a votoka.”
^ Lit., “vimo.”
^ Lit., “oku kokela ovaso ocimbumba oku lueya.”
^ Lit., “eye wa kula lame.”
^ Lit,. “eye.”
^ Lit., “tunde vimo lia ina yange.”
^ Ale pamue, “Eci nda mola okuti nda kuata ekuatiso pombundi yolupale.”
^ Lit., “ocinyi.”
^ Lit., “ositu.”
^ Ale “Onduko yange yeyi.”
