Yovi 32:1-22
32 Omo liaco, alume vatatu va liwekapo oku tambulula Yovi, momo eye ka kuatele atatahãi lesunga liaye muẽle.*+
2 Pole, Elihu omõla a Barakele u Busi+ ukuepata lia Ramu, wa kuatele onyeño yalua. Onyeño yaye ya wengukila Yovi momo wa seteka oku lekisa okuti, wa kuata esunga okuti Suku sio.+
3 Eye wa kuatelavo onyeño yalua akamba vatatu va Yovi, momo ka va tẽlele oku sanga etambululo limue, pole, ovo va popele okuti, Suku eye wa kuata eko.+
4 Elihu wa kevelela oco a tambulule Yovi, momo ovo va kala akulu, pole eye wa kala umalẽhe.+
5 Eci Elihu a limbuka okuti alume vatatu ka va kuatele lacimue coku popia oco va tambulule, onyeño yaye ya wenguka.
6 Kuenje Elihu omõla a Barakele u Busi, wa fetika oku vangula hati:
“Ame ndumalẽhe*Ene wakulu.+
Kuenje ame lesumbilo lialua nda likandangiya,+Kuenda sia lingile osiata yoku vu sapuili eci nda kũlĩha.
7 Nda popia hati: ‘Ecelela okuti akulu* vendamba va vangule,Kuenda vana va kuete anyamo alua va sandeke olondunge.’
8 Pole, espiritu sandu olio Suku a eca komanu,Kuenda efuimo Liukuonene Wosi, olio lieca kokuavo elomboloko.+
9 Anyamo lika, ka a lingisa* omunu oku kala ukualondunge,Kuenda alume va kuka havoko lika va kuete elomboloko lieci ca sunguluka.+
10 Omo liaco, mopia siti: ‘Njeveleli,Kuenda ndu vu sapuilivo eci nda kũlĩha.’
11 Tali! Nda kevelela olondaka viene;Nda kala oku yevelela ovisimĩlo viene+Osimbu wa kali oku sanda ovina vu popia.+
12 Ndo yeveleli lutate,Pole, lomue pokati kene wa tẽla oku pisa* YoviAle oku tambulula olondaka viaye.
13 Omo liaco, ko ka popi hoti: ‘Tua sanga olondunge;Suku eye u pisa, omunu hayeko.’
14 Eye ka tiamisilile olondaka viaye kokuange,Omo liaco, si ko tambulula lolondaka viene.
15 Ovo va yokoka, ka va kuete vali eci va tambulula;Ka va kuete vali lacimue va popia.
16 Ndi kevelela, pole, ka vamamako loku vangula;Ovo va talama, ka kuli etambululo lalimue.
17 Kuenje lamevo ngeca etambululo limue;Ame ndi ka popiavo eci nda kũlĩha,
18 Momo ndi kuete olondaka vialua vioku popia;Espiritu sandu vokati kange li ndi kisika oku vangula.
19 Vokati kange mu kasi ndovinyu ka yi kuete apa yi fuimĩla,Ndolonjeke viokaliye viovipa viovinyu vi yongola oku tuika.+
20 Ngeceleli okuti ndi vangula oco ndi kavuluke!
Ndi ka yulula omẽla wange kuenda oku eca etambululo.
21 Si ka lekisa ocame komunu laumue;+Si ka lekisa ombambe* komunu laumue,
22 Momo si tẽla oku lekisa ombambe;Nda nda ci lingile, Una wa ndi panga nda wa ndi kundula lonjanga.
Atosi Pombuelo
^ Ale “momo wa kala ukuesunga kovaso aye muẽle.”
^ Lit., “utito koloneke.”
^ Lit., “oloneke.”
^ Ale “Oloneke vialua ka vi lingisa.”
^ Ale “oku lungula Yovi.”
^ Ale “oku eca onduko yimue yesivayo ko.”
