Yovi 39:1-30
39 “Anga hẽ ove wa kũlĩha otembo olohombo violomunda vi cita?+
Wa muile ale olosonge oku cita omãla valio?+
2 O tẽla hẽ oku tenda olosãi ovio vi kala lomãla vavo vimo?
Anga hẽ ove wa kũlĩha otembo eci ovio vi cita?
3 Ovio vi petamẽla posi eci vi cita omãla valio,Kuenje evalo liavio li sulila.
4 Omãla vavo va ka pama kuenda va ka kulila vusenge;Ovio ka vi tiukila vali ku va ina yavo.
5 Helie wa yovola ocimbulu covusenge,+Kuenda helie wa kutulula ovikolo viocimbulu covusenge?*
6 Nda lingisa etapi lio vekalasoko onjo yalio,Kuenda ofeka yomongua ndocitungilo calio.
7 Oco ka ca kapeleko onjuela yolupale,Oco ka ci yevelela oku kaluka kuomunu o songuila ovinyama oco vi talavaye.
8 Oco ci ñuala ñuala voviwulu oku sandiliya ocililo,Loku sandiliya ocikũla cosi ci talala.
9 Anga hẽ ongombe yovusenge yi ka kuata onjongole yoku ku vumba?+
Anga hẽ oyo yi ka pita uteke vocililo covinyama viove?
10 Anga hẽ ove o ka kutila ongombe yovusenge kosaluwa,Oyo hẽ yi ka ku kuama oco yi sende* ocimbota?
11 Anga hẽ ove o ka kolela kunene wayo waluaLoku ecelela okuti, yi ku lingilako upange wove wa tĩla?
12 Anga hẽ o ka kolela kokuayo oco yi ku nenele oku ungula* kuove,Loku viongoluila pocimbandi cove?
13 Avava ombo a liveta veta lesanju,Anga hẽ avava ombo lovonya ayo a sokisiwa la-a onyañe?+
14 Momo oyo yi sia asaila ayo posi,Kuenda o a kokela owuya voneketela.
15 Oyo yivalako okuti omãhi yomunu umue yi pondola oku a nyanyõlaAle ocinyama cimue covusenge ci a liatala.
16 Oyo yi tata lãvi omãla vayo ndu okuti havayeko;+Kuenda yi ka sakalala nda upange wayo wa linga wolivova.
17 Momo Suku wo likala* olondungeKuenda ka ecele elomboloko kokualio.
18 Eci oyo yi katuka kuenda yi veta veta avava ayo,Yi yola okavalu lukuakuendelako.
19 Anga hẽ ove weca ongusu kokavalu?+
Loku walisa osingo yalio lelenge?
20 O pondola hẽ oku ka lingisa okuti ka tẽha tẽha ndepange?
Oku fembula kuako ku komõhisa, ku koka usumba.+
21 Oko ka fẽla osi yo vocimbota kuenje ka sanjuka calua;+Oko ka lupukila kuyaki.*+
22 Oko ka yola usumba kuenda ka ka yokokela cimue.+
Oko ka ka tiukila konyima omo liosipata.
23 Ekolombele liovimalẽho li veta veta kokuayo,Onjelia kuenda unga vi nina.
24 Loku luluma kuenda lesakalalo, oko ka tunda lolupesi,*Ka ka tẽla oku talama* omo liocileñi combinga.
25 Eci ombinga yi sika, oko ka fembula!
Oku upisa kupãla oko ka kũlĩha okuti, oko kuli uyakiKuenda ka yeva oku kaluka kua vakesongo kuenda onjuela yuyaki.+
26 Anga hẽ ongonga yi palãla omo lielomboloko liove,Poku nyanyumũila avava ao konele yo kombuelo?
27 Anga hẽ ongonga yi palãlela vilu omo liocihandeleko cove+Kuenda yi tunga ocanju cayo vilu,+
28 Loku pita uteke vomunda,Vocitililo ya tungila vesenje?*
29 Oku upisa kocitumãlo caco, oyo yi sandiliya okulia;+Ovaso ayo a mola kupãla.
30 Otumãla tuayo tu nyua osonde;Kuenda apa pali ovivimbi, oyo haipo yi kala.”+
Atosi Pombuelo
^ Vocinimbu eci mu sangiwa olondaka vivali vio Heveru vi lomboloka ovimbulu vivali via litepa viovusenge.
^ Ale “oku tapika.”
^ Lit., “ombuto.”
^ Lit., “wo kokela oku ivalako.”
^ Lit., “Ka tundila oku li sanga lovimalẽho viuyaki.”
^ Lit., “yina osi (ongongo).”
^ Ale pamue, “Oyo ka yi kolela.”
^ Lit., “vovayo esenje.”
