Yovi 7:1-21
7 “Omunu hẽ siti o kisikiwa oku talavaya calua vokuenda kuomuenyo waye wosi,Kuenda oloneke viomuenyo waye ka vi kasi hẽ ndoloneke vionalavayi yi fetiwa?+
2 Eye o sandiliya ulembo ndupika umue,Kuenda o lavoka ofeto yaye ndonalavayi ya kovongiwa.+
3 Vokuenda kuolosãi vialua, omuenyo wange ka wa kuatele esiliviloKuenda nda kala lohali vokuenda kuovoteke alua.+
4 Poku pekela ndi lipula ndoco: ‘Otembo yipi ndi ka pasuka?’+
Pole, osimbu uteke wamamako ndi tiñoloha pula toke eci ku ca.
5 Etimba liange liosi lia sitikiwa lovanyo kuenda eliño lioneketela;+Ekova liange lieyuka apute kuenda otulua.+
6 Oloneke viomuenyo wange vi kasi oku pita lonjanga okuti, omakina yoku tuta yi sule,+Kuenda ovio via sulila okuti, ka kuli elavoko.+
7 Ivaluka okuti omuenyo wange u kasi ndofela,+Ovaso ange lalimue eteke a ka mola vali esanju.*
8 Ovaso a ndi mola cilo, ka a ka ndi mola vali;Ovaso ove a ka ndi sandiliya, pole, si ka kalako vali.+
9 Ndeci elende li takata kuenje li imũha,Una o lokila Vonjembo* ka tiuka vali.+
10 Eye ka ka tiuka vali konjo yaye,Kuenda omanu vo pocitumãlo caye ka vo ivaluka vali.+
11 Omo liaco, si kandangiya omẽla wange.
Ndi ka vangula omo lievalo ndi yevite vutima* wange;Ndi lisiõsuĩla vohali yange!+
12 Anga ndi kalunga ale ndicimuandu cimue cokalunga,Okuti, o kapa ondavululi yimue kokuange?
13 Eci ndi popia siti: ‘Omangu yange ya fina yi ka ndembeleka;Ula wange u ka ñuatisa oku tepulula ohali yange,’
14 Ove o ndi yokokisa lolonjoiKuenda o ndi saluisa lovinjonde,
15 Oco ndi sukile omuenyo,Ocili, hĩse ndi fe okuti oku kala letimba eli sio.*+
16 Nda suvuka omuenyo wange;+ si yongola vali oku kala lomuenyo.
Ku ka ndi sakalaise, momo oloneke viange vi kasi ndefuimo.+
17 Omunu hẽ nye, oco o lisakalaise layeLoku tiamisila utima wove kokuaye?+
18 Momo lie ove u konomuisila omẽle lomẽleKuenda u seteka kapuluvi osi?+
19 Otembo yipi o ka liwekapo oku ndi vanja,Loku ndi sia lika liange otembo yalua oco ndine ovate ange?+
20 Ame nda nda linga ekandu, nda nda ku lemẽha ndati ove Ukuakuvanja omanu?+
Momo lie wa ndingila ocimãho cove?
Anga hẽ nda linga ocilemo kokuove?
21 Momo lie ku ecela okulueya kuangeLoku ecela ekandu liange?
Momo ndopo ndi pekela voneketela,+Kuenda ove o ka ndi sandiliya, pole, ame si ka kalako vali.”
Atosi Pombuelo
^ Lit., “oku mola uwa.”
^ Okuti, ocitumãlo mu kendiwa omanu va fa.
^ Lit., “espiritu.”
^ Lit., “lakepa ange sio.”