Otembo yipi wa fetika oku talamẽla okuiya Kusoma wa Suku? Wa siata hẽ oku talamẽla lepandi ndaño o liyaka lovitangi? (Va Rom. 8:25) Akristão vamue va siata oku liyaka lesuvu, alambalalo, oku kapiwa vokayike ale oku pondiwa. Vakuavo va siata oku liyaka lovitangi vikuavo ndeci uveyi umue ka u kuete ovihemba vioku u sakula ale oku kuka.

Nye ci pondola oku tu kuatisa oku talamẽla ndaño tu liyaka lovitangi? Tu sukila oku pamisa ekolelo lietu poku tanga Embimbiliya oloneke viosi kuenda oku sokolola lutate kovina tu tanga. Tu sukilavo oku tiamisila utima kelavoko tu kuete. (2 Va Kor. 4:16-18; Va Hev. 12:2) Tu sukila oku likutilila ku Yehova loku pinga espiritu sandu liaye. (Luka 11:10, 13; Va Hev. 5:7) Isietu wokilu o pondola oku tu kuatisa oco tu ‘pandikise lesanju.’—Va Kol. 1:11.

TALA OVIDEO LOSAPI HATI, TU SUKILA OKU “LUPUKA LEPANDI”—KOLELA OKUTI O KA TAMBULA ONIMA, KUENJE TAMBULULA APULILO AKUÃIMO:

• Ovina vipi ‘ka tu lavoka’ okuti vi pondola oku pita komuenyo wetu? (Uku. 9:11)

• Ohutililo yi tu kuatisa ndati eci tu liyaka lovitangi?

• Nda ka tu tẽla oku linga ovina vialua kupange wa Yehova ndeci tua enda oku linga kosimbu, momo lie tu sukilila oku tiamisila utima kovina tu pondola oku linga?

• Nye ci pondola oku ku kuatisa oku kolela okuti o ka tambula onima?