EKALO LIAKRISTÃO
Tu Mioñololi Uloño Wetu Kupange Woku Kunda—Oku Liwekapo Oku Songola Elilongiso Liembimbiliya Komunu Umue Okuti ka Lingi Apongoloko
ESUNGA LIECI CI KUETELE ESILIVILO: Omanu vosi va sukila oku likutilila vonduko ya Yehova oco va popeliwe. (Va Rom. 10:13, 14) Pole, havosiko va siata oku lilongisa Embimbiliya okuti va yongola oku kapako olonumbi via Yehova komuenyo wavo. Tu sukila oku talavaya ciwa lotembo yetu kupange woku kunda poku kuatisa omanu vana va yongola oku linga apongoloko oco va sanjuise Yehova. Nda tu kasi oku songola elilongiso limue Liembimbiliya vokuenda kuotembo yimue, pole, omunu waco ka lingi apongoloko a sukiliwa, tu lekisa olondunge poku liwekapo oku songola elilongiso liaco. Kuenje tu sanda oku kuatisa vana va kokiwa la Yehova kuenda locisoko caye. (Yoa. 6:44) Pole, nda okuti vokuenda kuotembo omunu waco o lekisa onjongole yoku linga apongoloko kuenda ‘ukuotima wa sungulukila omuenyo ko pui,’ citava okuti tu fekika vali oku u longisa.—Ovil. 13:48.
NDOMO CI LINGIWA:
-
Pandiya omunu o longisa Embimbiliya omo lionjongole a kuete yoku kuata ukũlĩhĩso wa suapo.—1 Tim. 2:4
-
Lombolola esilivilo lioku kapako ovina a siata oku lilongisa.—Luka 6:46-49
-
Lumbombe, lombolola kokuaye olusapo lua Yesu luatiamẽla kukuakulima kuenda u pulisa eci eye a sima catiamẽla koku kapako ovina a siata oku lilongisa.—Mat. 13:18-23
-
U lomboluila esunga lieci o yongola oku liwekapo oku u longisa Embimbiliya
-
U sapuila okuti o ka amamako oku u nyula olonjanja vimue oco u vetiye kuenda citava okuti kovaso yoloneke o ka fetika vali oku u longisa, nda eye wa linga apongoloko
TALA OVIDEO KUENDA TAMBULULA APULILO AKUAIMO:
-
Nye wa limbuka vombangulo ca lekisa okuti ondonge ka yi kasi oku linga apongoloko?
-
Hundi wa kuatisa ndati ondonge oku limbuka okuti o sukila oku linga apongoloko?
-
Hundi wa lekisa ndati okuti kovaso yoloneke o pondola oku songola vali elilongiso liaco Liembimbiliya?