Eci o mola onelẽho yimue ya fina, olombungulu kilu, ale ovava a tunda komunda, o tẽla hẽ oku limbuka upange Ululiki a kuata? Ovina viosi via lulikiwa, vi situlula ovituwa ka vi muiwa via Yehova. (Va Rom. 1:20) Eci tu sokolola lutate kovina tu lete, tu pondola oku limbuka unene wa Suku, ocisola, olondunge, esunga kuenda ohenda yaye.—Osa. 104:24.

Ovina vipi Yehova a lulika ove wa siata oku mola eteke leteke? Ndaño okuti o kasi volupale lumue, citava okuti wa siata oku mola olonjila kuenda oviti. Oku kũlĩhĩsa lutate ovina Yehova a lulika, ci tu kuatisa oku tepulula asakalalo, oku yuvula oku tiamisila calua utima kovitangi vietu, oku tiamisila utima kovina via velapo kuenda oku kolela kuloño wa Yehova woku tu tata otembo ka yi pui. (Mat. 6:25-32) Nda o kuete omãla, va kuatisa oku kũlĩha ovituwa via Yehova via velapo. Osimbu tu vokiya ombili yetu yoku tala ovina via lulikiwa, ukamba tu kuete Lululiki wetu u ka livokiya.—Osa. 8:3, 4.

TALA OVIDEO LOSAPI HATI, OVINA VIOSI VIA LULIKIWA VI SITULULA ULAMBA WA SUKU—OCINYI KUENDA AVALA, KUENDA TAMBULULA APULILO A KUÃIMO:

• Ovina via litepa vi tu kuatisa ndati oku mola avala?

• Nye ci koka oku molẽha kuavala a litepa?

• Momo lie tu ponduila oku mola avala a litepa kilu?

• Avala api a litepa wa mola ocipepi lonjo yove?

• Momo lie tu sukilila oku sanda otembo yoku tala ovina via lulikiwa?