Ove hẽ o kuete 23, ale 65 kanyamo kuenda o kasi kupange wakundi votembo yosi? O kuete hẽ uhayele uwa kuenda o pondola oku ka talavaya kovikanjo kuli esukila? Nda okuti wa tambulula oco kapulilo a-a, o pondola hẽ oku lisonehisa Kosikola Yakundi Vusoma? Tunde eci osikoka yatete ya fetika, olohueli vialua, vamanji alume ka va kuelele kuenda vamanji akãi ka va kuelele, va siata oku lisonehisa. Pole, tu sukila vali calua vamanji alume ka va kuelele. Pinga ku Yehova oco a pamise onjongole yove yoku u sanjuisa kuenda yoku setukula Omõlaye. (Osa. 40:8; Mat. 20:28; Va Hev. 10:7) Omo liaco, sanda olonjila vi ku kuatisa oku leluisa omuenyo, oco ci ku ecelele oku lisonehisa kosikola yaco.

Asumũlũho api vana va pita kosikola yaco va kuete? Vamue va siata oku tumiwa kovikanjo kuna va vangula elimi likuavo, ale handi vakuavo va siata oku tumiwa oku ka kundila kovikanjo ku kasi oku lingiwa upange u likasi. Handi vali, vakuavo va tumiwa kupange woku nyula akongelo kuenda vakuavo ndolomisionaliu. Eci o sokolola ovina o pondola oku linga kupange wa Yehova, o kuata ovisimĩlo ndevi viuprofeto Isaya wa popia hati: “Ame ulo, va nume ño.”—Isa. 6:8.

TALA OVIDEO LOSAPI HATI, OLOMISIONALIU OLONDINGUPANGE KOKU UNGULA KUENDA NOKE TAMBULULA APULILO AKUÃIMO:

• Vana va tumiwa ndolomisionaliu va nõliwa ndati?

• Upange upi uwa olomisionaliu vi linga?

• Api amue pokati kasumũlũho wupange wumisionaliu?