ESUNGA LIECI CI KUETELE ESILIVILO: Akristão olombuavuekua kumue lolomeme vikuavo, va siata oku laleka omanu vosi oku ‘tambula ocali ovava omuenyo.’ (Esit. 22:17) Ovava aco ocindekaise, a lomboloka aliangiliyo osi Yehova a siata oku linga oco a yovole omanu kekandu kuenda kolofa. Oco tu kuatise omanu va kuete ovituwa kuenda atavo a litepa, tu sukila oku va kundila ‘olondaka viwa viotembo ka yi pui’ lonjila yimue yi va vetiya.—Esit. 14:6.

NDOMO CI LINGIWA:

• Nõla ombangulo yimue kuenda ocisonehua cimue ci vetiya ovitima viomanu vana o sanga vocikanjo cove. O pondola oku kuama onepa yombangulo yi kuamiwa ale ulandu umue wa siata oku ku kuatisa oku kuata onima yiwa. Ovolandu api kuenda ovisonehua vipi omanu va sole vali? Anga hẽ kuli ulandu umue wa pita okuti omanu va kasi oku u sokolola ale oku u vangula? Nye ci pondola oku vetiya ulume umue ale ukãi umue?

• Vombangulo yove kongelamo oku lama kuenda ovituwa via siata pocitumãlo o kasi.—2 Va Kor. 6:3, 4

• Kũlĩha ciwa alivulu kuenda olovideo vi sangiwa Vovimalẽho Vietu Vioku Longisa oco o sapele eci catiamẽla kokuavio komunu umue wa lekisa onjongole

• Tapa alivulu kalimi omanu vana o pondola oku sanga vocikanjo cove

• Linga apongoloko vombangulo yove ndomo ci likuata lasukila omunu wa sanga. (1 Va Kor. 9:19-23) Ndeci, nye o pondola oku vangula nda wa limbuka okuti omunu wa sanga wa fisa umue ngandiaye?

TALA OVIDEO KUENDA TAMBULULA APULILO AKUÃIMO:

• Nye ca kuatisa manji oku fetika ombangulo lomunu a sanga?

• Ovitangi vipi omunu wa sangiwa a kala oku liyaka lavio komuenyo waye?

• Ocisonehua cipi ca kuatisa vepuluvi liaco kuenda momo lie?

• Wa siata ndati oku linga a pongoloko kombangulo yove oco o kundile omanu vocikanjo cove?