KAPAKO OLONUMBI EVI KUPANGE WOKU KUNDA
Tu Mioñololi Uloño Wetu Kupange Woku Kunda—Soneha Ocindekaise Cikuavo Cutala Wondavululi o Yongola oku kuama
ESUNGA LIECI CI KUETELE ESILIVILO: Ovindekaise vi kuamiwa vi sangiwa kovipama viohongele vi tu kuatisa lika oku kuata ovisimĩlo vimue. Citava okuti tu soneha ovindekaise viaco volondaka vietu muẽle. Pamue o nõlapo oku kuama onjila yikuavo ale osapi yi likuata lesukila liocikanjo. Noke yoku tanga orevista, kũlĩhĩsa ovindekaise vi kuamiwa, kuenda tala ovideo yovindekaise, citava oku kuama olonumbi vi kuaĩmo oco o sonehe ocindekaise cove.
NDOMO TU CI LINGA:
Lipula ndoco: ‘Njongola hẽ oku linga cimue pokati kovindekaise vi kuamiwa?’
OCO
-
Pongiya olondaka vioku fetika. Noke yoku lama, lombolola esunga lieci weyilila. (Ndeci: “Ndeya kulo oco . . . ”)
-
Kũlĩhĩsa eci o popia noke yoku linga epulilo, oku tanga ocisonehua, kuenda oku eca. (Ndeci: Poku tukula ocisonehua cimue, citava okuti o popia ndoco: “Etambululo lia suapo liepulilo eli li sangiwa mulo.”)
SIO
-
Pongiya epulilo o ka tambulula kepasu likuavo
-
Sokolola kepulilo li vetiya omunu oku sokolola kuenda oku sapela, pole, ku ko kape vatatahãi. (Ndeci: Apulilo a sangiwa kemẽla 2 liutala wondavululi.)
-
Nõla ocisonehua o tanga. (Nda o kasi oku eca o Despertai! ove o nõla nda o tanga ocisonehua, momo orevista yaco ya pangiwa oco yeciwe komanu vana ka va kuete ukũlĩhiso walua Wembimbiliya ale ka va kolelele ketavo.)
-
Kũlĩhĩsa ocinimbu cimosi ale vivali vi lombolola ndomo omunu wa sangiwa a pondola oku kuatisiwa poku tanga ocipama caco
-
Soneha atosi a ka ku kuatisa oku ivaluka eci o ka popia onjanja yikuavo
-
Nõla osapi yimue vorevista okuti yi likuata lesukila liocikanjo
