OVOKUASI A SANGIWA VONDAKA YA SUKU | YOVI 1–5
Yovi wa Amamako Lekolelo Ndaño Lohali
Yovi wa kala kofeka yo Uci kotembo va Isareli va kala apika vo ko Egito. Ndaño okuti Yovi ka kaile u Isareli, pole, wa kala ufendeli wocili wa Yehova. Eye wa kuatele epata linene, ukuasi, kuenda wa kũlĩhĩwile vofeka. Yovi wa kala ondunguli yiwa, haeye onganji ka kuatele ocame. Wa lekisa ohenda kolohukũi. Yovi wa kala ulume umue ukuekolelo.
Yovi wa lekisile okuti Yehova eye Omunu wa velapo komuenyo waye
-
Satana wa limbuka ekolelo lia Yovi. Eye ka likalele okuti Yovi wa pokuile ku Yehova; pole, wa patãla onjongole ya Yovi
-
Satana wa popia okuti Yovi ka kasi oku vumba Yehova lutima wosi
-
Oco Yehova a tambulule elundi lia Satana, wa ecelela okuti Satana o talisa ohali ulume waco ukuekolelo. Satana wa koka ovitangi viñi viñi komuenyo wa Yovi
-
Osimbu Yovi a pandikisa lekolelo, Satana wa patãla ekolelo liomanu vosi
-
Yovi ka lingile ekandu ale oku lundila Suku okuti eye wa koka ovitangi viaco
