ESUNGA LIECI CI KUETELE ESILIVILO: Ukanda 1 Va Korindo, umue pokati kovikanda 14 upostolo Paulu a soneha oco u pamise Akristão vakuavo. Eci omunu umue a soneha ukanda, o sanda otembo yoku nõla lutate olondaka okuti omunu o yi tambula o ka yi tanga olonjanja vialua. Ovikanda onjila yimue yiwa yoku kundila epata lietu kuenda omanu vakuavo. Ovio, vi kuatisa oku kundila omanu vana okuti ka tu pondola oku vangula lavo. Ndeci, citava okuti omunu umue wa lekisa onjongole, pole, ka ca lelukile oku u sanga konjo. Omanu vamue vocikanjo cetu, ka ci leluka oku va sanga momo va kasi volosapalalo, kolonjo vi laviwa okuti akombe ka ca lelukile oku iñilako ale povitumãlo vi kasi ocipãla. Ovina vipi tu sukila oku kapako ca piãla enene poku sonẽhela omunu ka tua kũlĩhĩle?

NDOMO CI LINGIWA:

• Soneha eci nda wa sapuila komunu waco nda wa kale love. Tukula onduko yove kefetikilo liukanda kuenda lombolola esunga lieci o kasi oku u sonehela. Soneha etosi limue li kuatisa omunu o ku sokolola loku u vetiya oku kũlĩhĩsa vonumbi yetu yo internet. Noke u lomboluila ovina viatiamẽla kovipama vioku lilongisa Embimbiliya vo internet, sonẽha esokiyo tu kuete yoku lilongisa Embimbiliya konjo ale tukula olosapi viovipama vimue vi sangiwa velivulu tua siata oku songola lalio alilongiso Embimbiliya. Vukanda waco citava okuti mu kongeliwa okokanda konumbi yo jw.org, okokanda kamue kelaleko ale okokanda koku eca uvangi.

• Teta onimbu. Yuvula oku soneha olondaka vialua oco omunu ka ka kave poku u tanga.—Tala ukanda wocindekaise u sangiwa kemẽla 8.

• Kũlĩhĩsa ukanda waco nda wa sonehiwa ciwa. Kũlĩhĩsavo nda u situlula esanju ale nda wa sonehiwa lonjila yimue yi vetiya. Kapa olondimbukiso vi situlula omunu o ka u tambula