Ovitangi vi pondola oku tu honguisa ca piãla enene eci ovio vi amamako vokuenda kuotembo yalua. Daviti wa kũlĩhĩle okuti vovitangi viaye mua kongelele Soma Saulu, via laikele oku puako kuenda eye wa laikele oku kala osoma ndomo Yehova a likuminyile. (1Sa 16:13) Ekolelo lia Daviti lio kuatisa oku kala ukuepandi loku talamẽla ku Yehova.

Poku liyaka lovitangi, pamue tu setekiwa, tu vetiyiwa oku kuama ukũlĩhiso wetu muẽle ale ovisimĩlo vioku pongolola ocitangi caco. (1Sa 21:12-14; Olo 1:4) Pamue, ovitangi vimue vi amamako ndaño muẽle noke yoku linga ovina vi likuata lolonumbi Viembimbiliya. Tu sukila oku kuata epandi loku talamẽla ku Yehova. Ndopo muẽle, eye o kamalako ohali yetu yosi “loku puenya asuelẽla osi” vovaso etu. (Esi 21:4) Tua kũlĩha okuti eyovo lietu li tunda ku Yehova omo liekuatiso liaye. Ocili ceci okuti, ovitangi viosi vi kapuako. Eci ci tu lembeleka calua.

TALA OVIDEO LOSAPI, AFENDELI VA YEHOVA VA LIKUETELE OMUNGA VOLUALI LULO KA MULI OCISOLA, NOKE TAMBULULA APULILO A KUÃIMO:

• Ovitangi vipi vamanji vamue ko Estados Unidos va siata oku liyaka lavio?

• Ovo va siata oku lekisa ndati epandi kuenda ocisola?

• Va kasi oku amamako ndati oku tiamisila utima “kovina via velapo vali”?—Flp 1:10