Ombrochura Yevelela Suku ya sokiyiwila oco tu longise layo ocili Cembimbiliya komanu vana ka va tẽla oku tanga. Ocipama locipama ci kuete oviluvialuvia vialua via pongiyiwa ciwa londimbukiso yi lekisa ociluvialuvia ci kuãimo.

Ombrochura Yevelela Suku Kuenje o Kala Otembo ka yi Pui, yi kuete oviluvialuvia vimuamue lombrochura Yevelela Suku, pole ya tete yi kuete olondaka kuenda yi kuamiwa lolondonge vi tẽla oku tanga. Olonjanja vialua akundi va nõlapo oku kuama vombrochura Yevelela Suku Kuenje o Kala Otembo ka yi Pui, poku longisa osimbu ondonge yi kuama vombrochura Yevelela Suku. Vovipama vialua mu sangiwa okakasia kalomboluilo akuavo okuti citavavo oku ka konomuisa, pole ca tamba lika koku loñoloha kuondonge.

O pondola oku yeca komanu kapuluvi osi ndaño okuti ka yi kasi oku eciwa vosãi. Poku songola Elilongiso Liembimbiliya, lombolola oviluvialuvia oco o situlule ovolandu a sangiwa Vembimbiliya. Kongela ondonge vombangulo poku u linga apulilo oco o limbuke nda eci a kasi oku lilongisa co lomboloka. Tanga kuenda konomuisi ovisonehua vi sangiwa pombuelo yemẽla lemẽla. Noke yoku malusula ombrochura, fetiki oku lilongisa elivulu Embimbiliya li Longisa Nye? ale elivulu Embimbiliya li Pondola Oku tu Longisa Nye? oco o kuatise ondonge yove oku amamako toke kepapatiso.