Ombrochura Velie va Kasi Oku Linga Ocipango ca Yehova Koloneke Vilo?, ya sokiyiwila oco yi kuamiwe kefetikilo ale kesulilo lielilongiso limue Liembimbiliya. * Ocipama 1 toke 4 ci kuatisa olondonge oku kũlĩha eci catiamẽla kokuetu, ocipama 5 toke 14 ci va kuatisa oku kũlĩha ovopange etu, kuenda ocipama 15 toke 28 vi lekisa kokuavo ndomo ocisoko cetu ci talavaya. Ca sunguluka okuti o konomuisa ovipama ndomo vi likuãi, pole, o tehẽla lika kovipama vikuavo nda ondonge yi yongola oku konomuisa lonjanga ocisimĩlo cimue. Ocipama locipama tu pondola oku ci konomuisa londonge vokuenda kuakukutu atãlo ale ekũi.

• Tiamisila utima wondonge kosapi yocipama

• Tangeli kumosi ocipama, ci kale ocinimbu locinimbu ale ocipama caco cosi

• Lombolola eci wa tangi. Konomuisi apulilo a sangiwa kesulilo liocipama kuenda alitalatu. Nõla ovisonehua o yongola oku tanga loku vi lombolola. Lombolola atosi a velapo a sonehiwa lotinda yi tekãva calua, a tambulula osapi yocipama

• Nda pocipama pa sangiwa okakasia losapi hati: “Kũlĩha Ovina Vikuavo,” tangeli kumosi londonge kuenda u vetiya oco a kuame onumbi yaco