EKALO LIA KRISTÃO
Tu Mioñololi Uloño Wetu Kupange Woku Kunda—Vetiya Omanu va Lekisa Onjongole Oku Enda Kolohongele
ESUNGA LIECI CI KUETELE ESILIVILO: Olohongele vi tu ĩha epuluvi lioku ‘imbila Yehova ovisungo’ kuenda oku ‘u sivaya.’ (Osa. 149:1) Kolohongele, tu longisiwa oku linga ocipango ca Suku. (Osa. 143:10) Omanu va lekisa onjongole kuenda vana tu longisa Embimbiliya, va linga apongoloko kuenje va fetika oku enda kolohongele.
NDOMO TU CI LINGA:
-
Linga elaleko kefetikilo. Ku ka kevelele lika eci o tumbika elilongiso limue Liembimbiliya.
—Esit 22:17 -
Lomboluila komunu wa lekisa onjongole ovina a ka lilongisa kuenda eci ci ka konomuisiwa kohongele yikuavo. Tu pondola oku kuatisiwa lovina vi kuãimo ndeci: Okokanda kelaleko kolohongele, ovideo losapi hati: Nye ci Lingiwa Vonjango Yusoma? kuenda onepa 5 leyi 7 yombrochura losapi hati: Velie va Kasi oku Linga Ocipango ca Yehova Koloneke Vilo?
-
Eca ekuatiso. Anga hẽ omanu va lekisa onjongole va sukila ekuatiso liocendelo, ale oku nõla uwalo wa sunguluka? Kohongele, tumãleli kumosi, kuenda tangeli kumosi valivulu ove. U lekisa ku vamanji vakuavo