Vokuenda kuosãi ya Kuvala, tu ka likolisilako oco tu kundile omanu esapulo liokuti oluali luokaliye lu kasi ocipepi. (Os 37:10, 11; Esi 21:3-5) Linga esokiyo liwa oco o pange onepa kupange waco. Nda wa linga esokiyo lioku talavaya ndukundi wasokamo kosãi yaco, o pondola oku nõla nda weca 30 ale 50 kolowola vi kisikiwa.

Lipongiya oco o sapele lomanu ocisonehua cimue catiamẽla koluali luokaliye. Eci o pongiya ocisonehua cimue, sokolola eci ci ka vetiya omanu vocikanjo cove. Nda umue wa lekisa onjongele kombangulo yatete, u wĩha Utala Wondavululi No. 2 2021. Kuenje tiukilako lonjanga oco o fetike elilongiso Liembimbiliya poku kuama ombrochura, Sanjukili Omuenyo Otembo ka yi Pui!. Hesanjukuolio li yilila koku litumbika koku kundila omanu “olondaka viwa viocina ca velapo”!—Isa 52:7.

LEKISA OVIDEO YOCISUNGO OLUALI LUOKALIYE LUO LUIYA, KUENDA TAMBULULA APULILO A KUÃIMO:

• Elavoko lipi li komohisa lio kovaso yoloneke kafeko a kasi oku sokolola?

• Ovina vipi vi ka kala voluali luokaliye o lavoka okuti vi ka tẽlisiwa?

• Oku sokolola kelavoko liove ci ku kuatisa ndati oku lipongiya, oco o pange onepa kesokiyo lioku kunda kosãi ya Kuvala?—Luk 6:45