Olonjali vina via sumbila Suku, vi yongola okuti omãla vavo va kala afendeli vakuekolelo va Yehova. Olonjali vi pondola oku ci linga poku va kuatisa oku sola loku kapako alongiso Embimbiliya tunde vutila. (Esin. 6:7; Olosap. 22:6) Anga hẽ, ci sukila alikolisilo? Ocili okuti, ci sukila! Pole, alikolisilo aco a nena onima yiwa.—3 Yoa. 4.

Olonjali vi pondola oku lilongisa ovina vialua kulandu wa Yosefe la Maria. Ovo va “kuatele ocituwa coku endaenda ko Yerusalãi unyamo lunyamo kocipito co Paskoa,” ndaño okuti poku ci linga ca sukilile alikolisilo alua alua kuenda olombongo. (Luka 2:41) Ovo va pitisile kovaso ekolelo liepata liavo. Cimuamue haico, olonjali koloneke vilo vi sukila oku songuila omãla vavo vonjila ya sunguluka, poku sanda apuluvi osi oku va longisa, ci kale kolondaka ale kovilinga viavo.—Osa. 127:3-5.

TALA OVIDEO LOSAPI HATI: OVO VA SANDA APULUVI OSI, KUENJE TAMBULULA APULILO A KUÃIMO:

• Jon la Sharon Schiller, va tẽla ndati oku pitisa kovaso upange Wusoma osimbu va kala oku tekula omãla vavo?

• Momo lie olonjali vi sukilila oku longisa, oku songuila kuenda oku pindisa omãla ndomo ci likuata lekalo liavo?

• Olonjali vi pondola oku pongiya ndati omãla vavo oco va tẽle oku liyaka lovina vi seteka ekolelo liavo?

• Ovimalẽho vipi via sokiyiwa locisoko ca Yehova wa siata oku kuatisa lavio omãla vove oku kala akamba va Yehova?