Yesu wa tu sila ongangu oco tu u setukule, ca piãla enene eci tu liyaka lovitangi ale alambalalo. (1 Pet. 2:21-23) Ndaño okuti Yesu wa sepuiwa, ale ceci a talisiwa ohali lalimue eteke a fetuluinyile. (Mar. 15:29-32) Nye co kuatisa oku pandikisa? Eye wa nõlelepo oku linga ocipango ca Yehova. (Yoa. 6:38) Eye wa tiamisililevo utima ‘kesanju lio kapiwila kovaso.’—Va Hev. 12:2.

Ocituwa cipi tu lekisa eci tu tatiwa lãvi omo liekolelo lietu? Akristão vocili, ‘ka va fetuluinya umue cĩvi leci cĩvi.’ (Va Rom. 12:14, 17) Nda tu kuama onjila ndomo Yesu a pandikisa kohali, tu kuata esanju omo okuti tu taviwa la Suku.—Mat. 5:10-12; 1 Pet. 4:12-14.

TALA OVIDEO LOSAPI HATI: ONDUKO YA YEHOVA OYO YA VELAPO, KUENDA TAMBULULA APULILO A KUÃIMO:

• Manji Gertrud wa talavaya ndati ciwa lotembo osimbu a kala vokayike?

• Ovitangi vipi olohueli Poetzinger via liyaka lavio osimbu via kala vovila via litepa vioku kangisila omanu?

• Nye ca va kuatisa oku pandikisa?