Ukundi wotembo yosi o sukila oku kuata esokiyo liwa. Vosemana nda o talavaya 18 kolowola, citava okuti o linga ukundi wotembo yosi, handi o pondola oku kuata oloneke viepuyuko! Esokiyo liaco, li kuatisa nda okuti kuiya ocitangi cimue ocipikipiki, ndeci oku vela ale ocitangi cikuavo. Otulokasia tu kuãimo tu kuatisa akundi va talavaya komẽle ale kekumbi, la vana va talavaya eteke liosi, kuenda vana ka va kuete uhayele longusu yalua. Nda epata li linga esokiyo liwa, citava okuti umue pokati kavo o fetika upange wukundi wotembo yosi kosãi Yenyenye Linene. Momo lie ka vu lingila esokiyo liaco vokuenda kuefendelo liepata vu ka linga onjanja yikuavo?