Tu lekisa olondunge poku talavaya ciwa longusu yetu eci tu litumbikila ovimãho viespiritu. (1Ko 9:26) Ovimãho vi tu kuatisa oku talavaya ciwa lotembo osimbu esulilo lioluali lulo ka lieyile. (Efs 5:15, 16) Vokuenda kuefendelo liene liepata, momo lie ka vu lingila esokiyo lioku litumbikila ovimãho vokuenda kunyamo wokaliye wupange? Oco o kuatisiwe, vulandu ulo wolohongele muli ovipama viovimãho o sukila oku kũlĩhĩsa lolohutililo.—Tia 1:5.

Ndeci, lekuatiso liepata liove, citava hẽ okuti umue pokati kene o kala ukundi wotembo yosi? Nda o kasi lohele yokuti ku tẽla oku tẽlisa olowola vi kisikiwa, vangula lakundi vamue votembo yosi va kuetevo ocitangi caco. (Olo 15:22) Citava okuti, vu pulisa ukundi umue wotembo yosi vokuenda kuefendelo liene liepata. Nda citava, lingi esokiyo limue. Nda ove wa kala ale ukundi wotembo yosi, kũlĩhĩsa nda ekalo liove li ku ecelela oku ci linga vali.

Citava hẽ okuti umue vepata o kala ukundi wasokamo vosãi yimosi ale ceci ci pitahãla osãi? Nda ku tẽla oku ci linga, o pondola oku kala ukundi wasokamo poku talavaya olowola vimue veteke kupange woku kunda. Nda otembo ka yu ku ecelela oku kunda vokati kosemana, omo okuti o talavaya eteke liosi ale o kasi oku lilongisa kosikola, ove o pondola oku nõla osãi yimue yi kuete eteke liepuyuko ale asulilo atãlo osemana. Vokalendariu, sonehamo otembo o ka kala ukundi wasokamo loku linga esokiyo liaco.—Olo 21:5.

TALA OVIDEO LOSAPI, KALA UKUOTÕI . . . UKUNDI WOTEMBO YOSI KUENDA TAMBULULA EPULILO LI KUÃIMO:

• Ulandu wa manji Aamand u tu longisa nye catiamẽla konjila ndomo Yehova a tata locisola vana va likolisilako oku talavaya ndakundi votembo yosi?