Vovimãho viespiritu tu litumbikila, mua kongela ovina viosi tu sukila oku linga oco tu vumbe ciwa Yehova loku sanjuisa utima waye. Ovio vi tu kuatisa oku kula kespiritu. Omo liaco, ci kuete esilivilo oku pesela otembo kuenda ongusu yetu oco tu vi tẽlise. (1Ti 4:15) Momo lie ci kuetele esilivilo otembo lotembo oku kũlĩhĩsa ovimãho vietu? Momo ekalo li pongoloka. Pamue ka tu tẽla vali oku tẽlisa ocimãho cimue tua kuatele kosimbu ale tua tẽlisa ale ocimãho tua litumbikilile kuenda tu yongola oku litumbikila ocimãho cikuavo.

Epuluvi limue liwa lioku kũlĩhĩsa ovimãho tu kuete, otembo osimbu handi unyamo wokaliye ka wa fetikile. O pondola hẽ oku sapela catiamẽla kondaka yaco vokuenda kuefendelo liepata? Poku ci linga o pondola oku litumbikila ocimãho cimue kuenda kepata liosi.

Vipi ovimãho viove katosi a kuãimo? Esokiyo lipi wa linga oco o vi tẽlise?