EKALO LIAKRISTÃO
“Oku Teyuila Kuenda Oku Tumbika” Olondaka Viwa
Eci ovanyãli va fetika oku tateka va Isareli oku tumbulula onembele, vana va kala oku linga upange waco va sanda eteyuilo kolombiali, oco vamameko lupange. (Ese 5:11-16) Cimuamue haeco okuti, Akristão koloneke vilo, va siata oku likolisilako oku teyuila kuenda oku tumbika olondaka viwa. (Flp 1:7) Eli olio esunga lieci kua sokiyiwila Oseketa Yoku Tetulula Ovitangi Lombiali kunyamo wo 1936 kombala Yolombangi Via Yehova voluali luosi. Koloneke vilo, Oseketa Yoku Tetulula Ovitangi Lombiali Yombala Yolombangi Via Yehova voluali luosi, yi sokiya alikolisilo vafendeli va Suku, oku teyuila Usoma voluali luosi. Oseketa yaco ya siata oku songuila ndati upange loku kuatisa afendeli va Suku?
TALA OVIDEO LOSAPI HATI, OKU NYULA OSEKETA YI TETULULA OVITANGI LOMBIALI KOMBALA YOLOMBANGI VIA YEHOVA VOLUALI LUOSI KUENDA TAMBULULA APULILO A KUÃIMO:
-
Ovitangi vipi Olombangi via Yehova via siata oku liyaka lavio kolombiali?
-
Ayulo api tua kuata ale kolombiali? Tukula ulandu umue.
-
Omunu lomunu pokati ketu o pondola ndati oku “teyuila kuenda oku tumbika” olondaka viwa?
-
Ponepa yipi yonumbi yetu yo Internet tu pondola oku sanga ovitangi viatiamẽla kafendeli va Suku kuenda ulala Wolombangi Via Yehova via kapiwa vokayike, omo liekolelo liavo?
