Sokolola okuti o kasi vimbo lio Galilea koloneke via Yesu. Wa sokiya oku linga ungende woku enda ko Yerusalãi Kocipito Colosinge. Volupale mueyuka afendeli vakuavo va tunda ocipãla. Ove o yongola oku eca ombanjaile yimue ku Yehova. Lohombo vokalosa, o fetika oku linga ungende vatapalo olupale luaco okuti mueyuka omanu valua va loña konembele. Eci o pitĩla vonembele, o limbuka okuti mueyuka omanu valua va yongolavo oku eca olombanjaile viavo viovilumba. Noke, yi pitĩlapo onjanja yove yoku eca ohombo yove kovitunda. Kuenje velivala liaco, ivaluka okuti o kuete ocitangi la manjove okuti o kasi pokati kowiñi ale kocitumãlo cikuavo colupale. Yesu wa lombolola eci o sukila oku linga. (Tanga Mateo 5:24.) Ove kuenda manjove u pondola oku sanda ndati ombembua Yesu a tukula? Katosi a kuãimo, kapa ondimbukiso konepa o sima okuti olio etambululo lia sunguluka.

NDOMO TU CI LINGA . . .

• sapela la manjove ndaño okuti ove o sima okuti, eye o sukila oku iya oku pinga ongecelo

• seteka oku pengulula ovisimĩlo via manjove nda wa limbuka okuti eye o tema lonjanga ale o kuete onjongele yoku tetulula ocitangi caco

• Yevelela lepandi manjove, nda kua sangele elomboloko lia suapo kuenda pinga ongecelo omo liesumuo ovilinga viove via koka

MANJOVE CITAVA OKUTI . . .

• o sanda ekuatiso liomanu vakuavo vekongelo poku va sapuila ndomo ove wo lueyela

• lipisa ove muẽle kuenda kũlĩhĩsa ovina via kongela vocitangi caco loku tava kakulueya ove

• tava lumbombe kuenda lekisa utõi poku enda kokuaye, loku liecela pokati

Ndaño koloneke vilo vefendelo lietu ka muakongelele ovilumba viovinyama, pole ovina vipi Yesu a longisa viatiamẽla koku tumbulula ombembua la manjetu oco efendelo lietu li taviwe la Suku?