EKALO LIAKRISTÃO
Tu Mioñololi Uloño Wetu Kupange Woku Kunda—Linga Apulilo a Vetiya
ESUNGA LIECI CI KUETELE ESILIVILO: Nda “uloño vutima womunu ovava a longa,” apulilo a sokisiwa lociyenjo coku opamo. (Olosap. 20:5) Apulilo a tu kuatisa oku vetiya onjongole yolonjeveleli vietu. Atambululo kapulilo a nõliwa ciwa, a pondola oku kuatisa. Yesu wa enda oku linga apulilo awa. Tu pondola ndati oku kuama ongangu yaye?
NDOMO TU CI LINGA:
-
Apulilo a sunguluka. Yesu wa enda oku linga apulilo alua oco a limbuke ovisimĩlo violondonge viaye. (Mat. 16:13-16; be kem. 238 ocin. 3-5) Apulilo api a sunguluka o pondola oku linga?
-
Linga apulilo a vetiya. Oco Yesu a pengulule ovisimĩlo via Petulu, wa linga apulilo kuenda wa eca atambululo o kuatisa oku kuata ovisimĩlo via sunguluka. (Mat. 17:24-26) Apulilo api o pondola oku linga oco o kuatise omunu umue oku kuata ocisimĩlo ca sunguluka?
-
Pandiya omunu o kundila. Eci umue ukuavisonehua a “tambulula ciwa,” Yesu wo pandiya. (Mar. 12:34) O pondola oku pandiya ndati omunu umue wa tambulula ciwa epulilo wa linga?
TALA ONEPA YATETE YOVIDEO LOSAPI HATI: LINGA UPANGE YESU A LINGA—LONGISA KUENDA TAMBULULA APULILO A KUÃIMO:
-
Momo lie onjila eyi yoku longisa ka ya sungulukilile ndaño tu sima okuti onjila a kuama yoku longisa ya sunguluka?
-
Momo lie tu sukilila oku linga ovina vikuavo okuti oku lombolola lika ulandu umue ci sule?
TALA ONEPA YAVALI YOVIDEO YACO KUENDA TAMBULULA APULILO A KUÃIMO:
-
Manji wa linga ndati apulilo a sunguluka?
-
Ovina vipi vikuavo tu pondola oku lilongisila konjila ndomo eye a longisa?