Ohuminyo ya Yehova yoku tumbulula yi sangiwa kelivulu lia Isaya ocipama 65, yi kasi ndu okuti ya tẽlisiwa ale.

65:17

Ilu liokaliye li lomboloka nye?

• Li lomboloka uviali wokaliye, u ka nena ekalo liwa komanu vakuesunga palo posi

• Owo wa tumbikiwa kunyamo wo 1914 eci Kristu a linga Osoma Yusoma wa Suku

Ongongo yokaliye yi lomboloka nye?

• Yi lomboloka omanu va tunda kolofeka viosi, kalimi osi kuenda kapata osi okuti va pokola kuviali wokaliye wo kilu

Ndamupi ovina viale ka vi ivalukiwa, ka vi sokoluiwa?

• Ovina vĩvi vi koka esumuo ka vi ka kalako vali

• Omanu vakuekolelo va ka kuata esanju komuenyo kuenda oku ivaluka ovina viwa eteke leteke