Elavoko li sokisiwa ndonjundo. (Va Hev. 6:19) Olio li tu kuatisa oku yuvula oku nyõla ekolelo lietu eci tu pita lovitangi. (1 Tim. 1:18, 19) Vovitangi viaco, mua kongela oku sumuisiwa lomanu vakuavo, oku pumba ovipako, oku vela, olofa viomunu umue tu sole, ale ovina vikuavo vi seteka ekolelo lietu.

Ekolelo kuenda elavoko, vi tu kuatisa oku luluvalela konima. (2 Va Kor. 4:16-18; Va Hev. 11:13, 26, 27) Omo liaco, ci kale okuti elavoko lietu lioku kala kilu ale palo posi, tu sukila oku litekula loku sokolola kolohuminyo vi sangiwa Vondaka ya Suku. Eci tu liyaka lovitangi vi seteka ekolelo lietu, ci leluka oku amamako lesanju.​—1 Pet. 1:6, 7.

TALA OVIDEO LOSAPI HATI, SANJUKI OMO LIELAVOKO LIENE, NOKE TAMBULULA APULILO A KUÃIMO:

• Momo lie Mose a lingila ongangu yiwa tu sukila oku kuama?

• Ocikele cipi asongui vepata va kuete?

• Ovina vipi o sukila oku konomuisa Kefendelo liene Liepata?

• Elavoko li ku kuatisa ndati oku pandikisa kovitangi?

• Nye o lavoka oku mõla?