EKALO LIA KRISTÃO
O Kasi hẽ Oku Talavaya lo JW Library?
O JW Library ocimalẽho cimue ci kuatisa oku tapa Embimbiliya, alivulu akuavo, olovideo, kuenda ovipama via ngalavaliwa okuti vi kapiwa votelefone yove, vo tablet, ale vo kombutador.
NDOMO O PONDOLA OKU YI TAPA: Iñila vo Internet, noke lekuatiso lio app store, tapa o JW Library. O app yaco yi sangiwa volotelefone, volo tablet, ale volo kombutador. Osimbu o kasi vo Internet, yikula o JW Library kuenje tapa alivulu o yongola oco o a kape vo kombutador ale vo telefone yove. Nda ku kuete o Internet konjo, citava okuti o ci lingila Vonjango Yusoma, vociseleko cimue calivulu ci sangiwa volokololo, ale kovitumãlo vikuavo kuli o Internet. Eci o mala oku tapa alivulu, ku sukila oku kala vali vo Internet oco o tange alivulu aco. Omo okuti vo JW Library mua siata oku vokiyiwa ovina viokaliye, olonjanja vimue o sukila oku iñila vo Internet, oco o limbuke nda mua lingiwa apongoloko amue.
MOMO LIE TU SUKILILA OKU YI TAPA? O JW Library yi tu kuatisa kelilongiso liopokolika, kuenda kolohongele viekongelo. Yi kuatisavo kupange woku kunda, ca piãla enene poku eca uvangi ka wa sokiyiwile.
Ove o ka ci Sola
UPANGE WOKU KUNDA
Talavaya lo JW.ORG Poku Sandeka Esapulo Liembimbiliya
Olombangi Via Yehova, amalẽhe kuenda akulu, va sanjukila oku talavaya lonumbi yetu yo internet poku sandeka esapulo Liembimbiliya komanu valua catiamẽla kolondaka viwa Viusoma wa Suku.
EKUATISO LIO INTERNET
O JW Library
Tanga kuenda lilongisa Embimbiliya poku kuama o Tradução do Novo Mundo. Sokisa ocisonehua cimue Lambimbiliya akuavo.
