Ocihandeleko ca eciwile ku Mose ca lekisile okuti, nda ulume umue wa yonguile oku linyãla wa sukilile oku pongiya ocicapa cimue ci eciwa lombonge. Eci ca enda oku tateka omanu oku nyõla olohuela viavo. Pole, koloneke via Yesu, asongui vetavo va enda oku koka okuti ci leluka omanu oku linyãla. Alume va ponduile oku linyãla lakãi vavo omo liocina cimue ka ci kuete esilivilo. (nwtsty atosi elilongiso kelivulu lia Mar. 10:4, 11) Yesu wa lekisa okuti olohuela vi kuete esilivilo momo, via tumbikiwa la Yehova. (Mar. 10:2-12) Ulume lukãi va linga “etimba limuamue” okuti lalimue eteke va litepa. Ndomo ca lekisiwa kelivulu lia Mateo, olohueli vi pondola lika oku linyãla nda umue pokati kavo wa linga ‘evĩho liukahonga.’—Mat. 19:9.

Koloneke vilo, omanu valua ka va tendi olohuela ndeci Yesu a vi tenda pole, va kuete ovisimĩlo ndevi via va Fariseo. Eci kuiya ovitangi, ovo va nõlapo oku linyãla lakãi vavo. Pole, Akristão okuti olohueli eci kuiya ovitangi, va kapako ohuminyo yolohuela va linga kuenje va likolisilako oku kuama olonumbi Viembimbiliya. Noke yoku tala ovideo losapi hati: Ocisola Kuenda Esumbilo vi Kuatisa Apata Oku Likuata Omunga, tambulula apulilo a kuãimo:

• O kapako ndati olondaka vi sangiwa kelivulu Liolosapo 15:1 volohuela viove kuenda momo lie ci kuetele esilivilo?

• O yuvula ndati ovitangi poku kapako olondaka vi sangiwa kelivulu Liolosapo 19:11?

• Volohuela viene vu kasi hẽ oku liyaka lovitangi vi molẽha ndu okuti ka vi tẽliwa oku vi tetulula? Nda oco, osimbu kua sokoluile ‘oku linyãla’, apulilo api o sukila oku konomuisa?

• O pondola ndati oku kala ulume umue uwa ale ukãi umue uwa poku kapako olondaka vi sangiwa kelivulu lia Mateo 7:12?