Ocisola o kola yimue yi kongela pamosi epata. Nda pokati kepata ka pali ocisola, ci tĩla calua oku amamako oku likuata omunga kuenda oku li kuatisa omunu lukuavo. Alume, akãi kuenda olonjali, va pondola ndati oku lekisa ocisola vepata?

Ulume ukuacisola o kapako asukila wukãi waye kuenda ovisimĩlo viaye. (Va Efe 5:28, 29) Eye o likolisilako oku eca ovina epata li sukila kuenda ekuatiso, oku kongelamo Efendelo Liepata li lingiwa olonjanja viosi. (1 Tim 5:8) Ukãi ukuacisola, o pokola kulume waye kuenda o lekisa “esumbilo liocili.” (Va Efe 5:22, 33; 1 Pet 3:1-6) Olohueli vi sukila oku liecela pokati omunu lukuavo. (Va Efe 4:32) Olonjali vakuacisola vi kapako ovina omõla lomõla a sukila kuenda oku va longisa oku sola Yehova. (Esin 6:6, 7; Va Efe 6:4) Ovitangi vipi omãla vove va siata oku liyaka lavio kosikola? Va kasi oku liyaka ndati lelambalalo liaco? Nda vepata muli ocisola, vosi yavo va ka liyeva okuti va kolapo.

TALA OVIDEO LOSAPI HATI, LEKISA OCISOLA KA CI TOKOKA VEPATA KUENDA TAMBULULA APULILO AKUÃIMO:

• Ulume ukuacisola o tata ndati ukãi waye loku u kapako?

• Ukãi ukuacisola o lekisa ndati esumbilo liocili kulume waye?

• Olonjali vakuacisola va longisa ndati Ondaka ya Suku komãla vavo?