KAPAKO OLONUMBI EVI KUPANGE WOKU KUNDA | VOKIYA ESANJU LIOVE KUPANGE WOKU KUNDA
Lombolola Atosi Avelapo
Eci tu linga apasu ale oku songola alilongiso Embimbiliya, tu sukila oku kuatisa omanu oku kuata elomboloko liatosi avelapo. Nda tu talavaya lovindekaise oco tu lombolole atosi aco, tu ka tẽla oku vetiya ovitima viomanu kuenda ci ka leluka kokuavo oku ivaluka ovina va lilongisa.
Osimbu o lipongiya oco o linge epasu ale elilongiso Liembimbiliya, pongiya ovindekaise oco o lombolole atosi avelapo okuti ku lombolola ovina viosi. Nõla ovindekaise via leluka viovina omanu va kũlĩha. (Mat 5:14-16; Mar 2:21; Luka 14:7-11) Tukula ovindekaise vi likuata lekalo liomunu o kasi oku sapela laye kuenda evi via siata kovina eye a linga eteke leteke. (Luka 5:2-11; Yoa 4:7-15) Eci o limbuka esanju omunu a kuete omo lioku lilongisa ocili cimue Cembimbiliya, ove o kuatavo esanju.
TALA OVIDEO LOSAPI HATI, KUATA ESANJU KOKU LINGA OLONDONGE—MIOÑOLOLA ULOÑO WOVE—LOMBOLOLA ATOSI AVELAPO KUENDA TAMBULULA APULILO AKUÃIMO:
-
Momo lie tu sukilila oku kuatisa vana tu longisa Embimbiliya oku kuata elomboloko liovinimbu Viembimbiliya?
-
Ocindekaise cipi Neeta a tukula oco a lombolole ocisonehua ca Va Roma 5:12?
-
Ovindekaise viwa vi vetiya utima
Ocindekaise cimue ciwa, ci pondola ndati oku vetiya olonjeveleli?
-
Momo lie ci kuetele esilivilo kokuetu kupange wetu woku kunda, oku talavaya lolovideo, lovimalẽho vikuavo vioku longisa, via eciwa locisoko ca Yehova?
