Tu kasi “koloneke via sulako” kuenda tua kũlĩha okuti, ovitangi vi ka livokiya calua. (2 Tim. 3:1; “efetikilo ño liolongembia” etosi lielilongiso kelivulu lia Mat. 24:8) Eci kuiya ocilunga cimue, afendeli va Yehova va tambula lonjanga olonumbi vi sukiliwa havio vi popela omanu. Epopelo lietu lia tamba lika kepokolo lietu lioku lipongiya cilo, ci kaile konepa yespiritu kuenda konepa yetimba.—Luka 16:10.

• Lipongiya konepa yespiritu: Kuata ocituwa ciwa coku lilongisa. Lilongisa olonjila via litepa vioku kunda. Ku ka kuate usumba nda ku pondola oku kala la vamanji vovekongelo vokuenda kuotembo yimue. (Isa 30:15) Lalimue eteke o kala ocipãla la Yehova kuenda la Yesu.—Organizados kem. 176 ocin. 15-17

• Lipongiya konepa yetimba: Omunu lomunu a kuate ekolombele limue mu kapiwa ovina vioku lipopela ndeci, okulia, ovava, ovihemba kuenda ovina vikuavo vi sukiliwa. Eci ci ka kuatisa vokuenda kuotembo yimue okuti, ka citava oku tunda konjo.—Olosap 22:3; o Despertai!, 5.2017 kem. 4, 6

TALA OVIDEO LOSAPI HATI, WA LIPONGIYILA HẼ OVILUNGA? KUENDA TAMBULULA APULILO AKUÃIMO:

• Tu lipongiya ndati konepa yespiritu osimbu ka kueyile ocilunga cimue?

• Momo lie tu sukilila . . .

  • oku kuata ocituwa coku sapela lakulu vekongelo?

  • oku pongiya ekolombele limue mu kapiwa ovina vioku lipopela?

  • oku sokolola kovilunga vi pondola oku iya kuenda kovina tu sukila oku linga eci ku iya ocitangi caco?

• Olonjila vipi vitatu tu pondola oku kuama poku kuatisa vakuetu eci va lipita lovilunga?

LIPULA NDOCO: ‘Efengi lio KOVID-19 lia ndi longisa nye catiamẽla koku lipongiya?’