Omo okuti ka tua lipuile, tu sukila oku likolisilako oku lava olonjongole vietu. Nda tua ecelela okuti ovio vi tu viala, tu pumba ohenda ya Yehova. Ndeci, vamue va velisapo calua okulia, uwalo kuenda oku kuata onjo, okuti ocisola va kuetele Suku ci sule. Vakuavo va tẽlisa onjongole yavo yoku lipekela okuti, ka va kapiko vali olonumbi via Suku. (Rom 1:26, 27) Handi vakuavo, va yapuisiwa lovisimĩlo viomanu vakuavo momo, va yongola okuti va li soka lavo ale oku taviwa lavo.—Etu 23:2.

Tu lavulula ndati olonjongole vietu? Tu ci linga poku likolisilako oku tiamisila utima wetu kovina viespiritu. (Mat 4:4) Tu sukilavo oku pinga ku Yehova oco a tu kuatise oku lavulula olonjongole vietu. Momo lie? Momo eye wa kũlĩha eci ca velapo kokuetu kuenda wa kũlĩha ndomo a tẽlisa olonjongole vietu via sunguluka.—Os 145:16.

TALA OVIDEO LOSAPI, KU KA ECELELE OKUTI OMUENYO WOVE U YULIWA LOKU SIPA KUENDA TAMBULULA APULILO A KUÃIMO:

• Momo lie omanu vamue va sipila?

• Oku sipa ku pondola oku ku linga nye?

• Momo lie osikalu yakaya kuenda osikalu yi likaliwa kolusu ka via sungulukilile?—2Ko 7:1

• O pondola oku popia ndati okuti ku yongola oku sipa ale oku siapo ocituwa caco?