Vana va lilongisa Embimbiliya oco va sanjuise Suku, va sukila oku kuata ekolelo lia pama. (Hev 11:6) Tu pondola oku vetiya utima wavo lelivulu Sanjukili Omuenyo Otembo ka yi Pui! Elivulu eli, li situlula ovisonehua via velapo, ovisimĩlo via leluka, apulilo a vetiya, olovideo kuenda alitalatu a posoka. Oco tu kuatise olondonge oku kuata ovituwa Viakristão kuenda ukamba la Suku, tu vi pamisi lovina ka vi nyõleha londalu.—1Ko 3:12-15.

Vamue va siata oku kuata atatahãi nda va pondola oku kala akamba va Suku, una ovo ka va lete. Tu sukila oku va kuatisa oku kũlĩha Yehova kuenda oku kolela kokuaye.

TALA OVIDEO LOSAPI, PAMISA EKOLELO LIOVE KU YEHOVA POKU TALAVAYA LELIVULU “SANJUKILI OMUENYO OTEMBO KA YI PUI!” KUENDA TAMBULULA APULILO A KUÃIMO:

• Tua kũlĩha ndati okuti manji wa lipongiyila ciwa elilongiso?

• Eye wa nõla ndati apulilo awa oco a kuatise ondonge oku situlula ovisimĩlo viaye ndomo ci sangiwa kelivulu lia Isaya 41:10, 13?

• Ovideo kuenda ovinimbu Viembimbiliya via kuatisa ndati ondonge?

Omanu valua ka va kuete elomboloko liocisembi, ale ka va ci tendi ndombanjaile Suku a va ĩha. (Gal 2:20) Omo liaco, tu sukila oku va kuatisa oku kolela kocisembi ca Yesu.

TALA OVIDEO LOSAPI, PAMISA EKOLELO LIOVE KU YESU POKU TALAVAYA LELIVULU “SANJUKILI OMUENYO OTEMBO KA YI PUI!” KUENDA TAMBULULA APULILO A KUÃIMO:

• Tua kũlĩha ndati okuti manji wa lipongiyila ciwa elilongiso?

• Eye wa talavaya ndati lonepa “Oco o Kũlĩhe Ovina Vikuavo” poku kuatisa ondonge?

• Momo lie ci kuetele esilivilo oku likutilila kumosi londonge?