Vovali, keteke 11 ya Kupupu, Akristão valua va liwekapo oku kunda loku endaenda kolohongele, va ka enda Kocipito conjivaluko. Ovo va fetika oku yolokela omuenyo, pole, noke va tepulula ombili yavo omo liasunga alua a lomboluiwa vombrochura losapi hati: Tiuka ku Yehova. (Va Hev. 12:1) Ocili okuti, vamanji vaco, ku Yehova handi va kuete esilivilo, momo va landiwa losonde Yomõlaye. (Ovil. 20:28; 1 Pet. 1:18, 19) Nye tu sukila oku linga oco tu va kuatisa oku tiuka ku Yehova?

Akulu vekongelo va likolisilako oku sanda onjila yoku kuatisa Akristão va liwekapo oku kunda loku endaenda kolohongele, ndeci ungombo a sandiliya lutate omeme ya nyelela. (Luka 15:4-7) Eci ci situlula ocisola Yehova a kuetele olomeme viaye. (Yer. 23:3, 4) Akulu vekongelo havoko lika va sukila oku ci linga, vosi yetu tu pondolavo oku va vetiya. Alikolisilo etu oku lekisa ohenda, locisola ku vana va liwekapo oku kunda loku endaenda kolohongele, ci sanjuisa Yehova kuenda ci nena asumũlũho. (Olosap. 19:17; Ovil. 20:35) Omo liaco, sokolola umue ove o pondola oku kuatisa kuenda ci linga lonjanga!

TALA OVIDEO KUATISA VANA VA LIWEKAPO OKU KUNDA LOKU ENDAENDA KOLOHONGELE, NOKE KONOMUISI APULILO A KUÃIMO:

• Nye Abbey a linga eci a sanga manji umue eye ka kũlĩhĩle?

• Momo lie tu sukilila oku sapela lakulu vekongelo osimbu ka tua setekele oku kuatisa umue wa liwekapo oku kunda loku endaenda kolohongele?

• Abbey wa lipongiya ndati oco a ka nyule Laura onjanja yavali?

• Abbey wa lekisa ndati epandi, locisola poku kuatisa Laura?

• Nye tu lilongisa kocindekaise ca Yesu ci sangiwa kelivulu lia Luka 15:8-10?

• Asumũlũho api a tunda kalikolisilo oku kuatisa Laura?