Paulu la Sila va enda oku sivaya Suku lovisungo eci va kala vokayike. (Ovil. 16:25) Koloneke vilo, vamanjetu va kala vokayike ko Sachsenhausen kocila cimue coku talisa ohali omanu ko Alemanya kuenda vokayike ko Siberia, va imbalevo ovisungo Viusoma. Ovolandu aco a lekisa ndomo ovisungo vi tu kuatisa oku kuata utõi poku liyaka lovitangi.

Elivulu lietu liokaliye liovisungo losapi hati: “Tu Imbili Yehova Lesanju,” ndopo li ka sandekiwavo kalimi alua. Eci o ka tambula elivulu limue liovisungo, vimbi vokuenda kuefendelo liepata oco o vi patekele. (Va Efe. 5:19) Nda wa ci linga, poku liyaka lovitangi, espiritu sandu li ka ku kuatisa oku vi ivaluka. Ovisungo Viusoma vi tu kuatisa oku tiamisila utima kelavoko lietu. Ovio vi tu pamisa eci tu liyaka lovitangi. Kuenje, osimbu ekalo li tu ecelela, tu pondola oku lekisa esanju lietu liovutima poku ‘imba lesanju’ ovisungo. (1 Asa. 15:16; Osa. 33:1-3) Omo liaco, lalimue eteke ka tu ka ivaliko esilivilo liovisungo vietu Viusoma!

TALA OVIDEO LOSAPI HATI OCISUNGO CIMUE CA TU PAMISA, NOKE TAMBULULA APULILO A KUÃIMO:

• Nye ca vetiya Manji Frost oku soneha ocisungo cimue?

• Ocisungo caco ca kuatisa ndati vamanji va kala ko sachsenhausen kocila cimue coku talisa ohali omanu?

• Vapuluvi api ovisungo Viusoma via siata oku ku pamisa?

• Ovisungo vipi Viusoma o yongola oku patekela?