Oku yolela velie? Omanu vosi veya kolohongele vietu, oku kongelamo vana veya onjanja yatete lava tua kũlĩha ale. (Va Rom. 15:7; Va Hev. 13:2) Tu ci lingavo ku vamanji va tunda kofeka yikuavo ale Kukristão wa liwekapo oku kunda loku endaenda kolohongele okuti, onjanja yaye yatete eya kohongele, noke lianyamo amue. Sokolola ndomo nda wa liyeva vepuluvi liaco. Nda kua sanjukile hẽ oku yoleliwa ciwa? (Mat. 7:12) Momo lie ku likolisililako oku lama vosi Vonjango Yusoma osimbu ohongele ka ya fetikile kuenda kesulilo liaco? Eci ci kuatisa kekalo liwa vekongelo kuenda ci nena ekemãlo ku Yehova. (Mat. 5:16) Ocili okuti, pamue ka tu pondola oku sapela lomanu vosi. Pole, nda tua likolisilako oku ci linga, vosi va ka kuata esanju. *

Tu sukila oku lekisa ocituwa coku yekisa akombe vapuluvi osi okuti, ka tu ci lingi lika kapuluvi alikasi ndeci Kocipito conjivaluko. Omanu veya onjanja yatete eci va mola ndomo tu likuetele ocisola cocili, ci va vetiya oku sivaya Suku kuenda oku likongela kokuetu kefendelo liocili.​—Yoa. 13:35.