Yesu wa handeleka olondonge viaye oku ka longisa omanu loku linga olondonge. (Mat. 28:19) Voku ci linga mua kongela oku kunda kuenda oku longisa. Otembo lotembo, tu sukila oku lipula ndoco: ‘Ndi mioñolola ndati onepa eyi ya velapo yupange woku linga olondonge?’

Ocili okuti ka tu kevelela oco omanu veye toke kokuetu, pole, tu sukila oku lekisa ombili poku “sandiliya vana va sesamela.” (Mat. 10:11) Anga hẽ eci tu kasi kupange woku kunda tu sandiliya epuluvi lioku sapela lomanu vana okuti ‘va kuete onjongole yoku yevelela?’ (Ovil. 17:17) Ludia wa linga ondonge omo liombili upostolo Paulu a lekisa kupange woku kunda.—Ovil. 16:13-15.

TALA OVIDEO LOSAPI: AMAMAKO OKU KUNDA OKUTI ‘KU LIWEKAPO’—UVANGI KA WA SOKIYIWILE KUENDA KONJO LANJO, KUENJE TAMBULULA APULILO A KUÃIMO:

• Kupange weteke leteke, Samuele wa lekisa ndati okuti o kuete ombili yoku kũla ombuto yocili?

• Momo lie tu sukilila oku pandikisa kolonepa viosi viupange woku kunda?

• Helie ove o pondola oku kundila esapulo Liusoma kupange wove weteke leteke?

Oco tu linge olondonge, ka tu sukila lika oku eca alivulu komanu. Oco tu va kuatise oku pamisa ekolelo liavo, tu sukila oku linga apasu kuenda oku songola alilongiso Embimbiliya. (1 Va Kor. 3:6-9) Pole, nye ci popiwa nda alikolisilo etu oku longisa omunu umue ocili Cusoma ka a kasi oku eca onima yiwa? (Mat. 13:19-22) Tu sukila oku amamako oku sandiliya omanu vana va kuete utima wa lisoka ‘losi yiwa.’—Mat. 13:23; Ovil. 13:48.

TALA OVIDEO LOSAPI: AMAMAKO OKU KUNDA OKUTI ‘KU LIWEKAPO’—KOVITUMÃLO KU SANGIWA OMANU VALUA KUENDA OKU LINGA OLONDONGE, KUENJE TAMBULULA APULILO A KUÃIMO:

• Solomon la Mary va tẽla ndati oku tapela ombuto yocili vovitima via Ezekiel kuenda Abigail?

• Ocimãho cipi tu sukila oku kuata catiamẽla kolonepa viosi viupange woku kunda oku kongelamo oku kundila kovitumãlo ku sangiwa omanu valua?

• Tu vetiya ndati vamanji vakuavo oco va lekise ombili kupange woku kunda?